१७ वर्षीय किशाेर साेनाम शेर्पा पुगे सगरमाथाको शिखरमा

मेगा खबर संवाददाता

९, जेठ २०७८

2.6K

१७ वर्षीय किशाेर साेनाम शेर्पा पुगे सगरमाथाको शिखरमा

ताप्लेजुङ, ताप्लेजुङको मैयाँखोलाका १७ वर्षीय किशाेर साेनाम शेर्पा हिउँ जोगाउन आह्वान गर्दै सगरमाथाको शिखरमा पुगेका छन् ।

शेर्पा आफ्नै बाबु पीके शेर्पाका साथ आज बिहानै सगरमाथाको शिखरमा पुगेका आधार शिविर सम्पर्क अधिकृत ज्ञानेन्द्र श्रेष्ठले जानकारी दिए । शेर्पा बाबुछोरा लामो समयदेखि हिउँ जोगाउन आह्वान गर्दै विश्वव्यापी अभियानमा संलग्न हुनुहुन्छ । पृथ्वी जोगाउन जङ्गल र हिउँ जोगाउन आवश्यक छ ।

विश्वलाई सुनाउन र सरोकारवालालाई झकझकाउन आफूहरू सगरमाथा आरोहणमा निस्किएको पिके शेर्पाले आरोहणमा जानुअघि बताएका छन् । पिके शेर्पा सगरमाथाको अनुभवी आरोही छन् । उनले हिमाल सरसफाइ तथा हिउँ जोगाउने अभियान चलाइरहेका छन् ।

बाबुकै पाइला पछ्याउँदै सोनाम पनि सगरमाथा आरोहणमा गएका हुन् । बाबुछोराले विश्वका सबै महादेशका अग्ला हिमाल आरोहण गर्ने लक्ष्य लिएका हुन् ।

आइतवार, जेठ ९ २०७८०१:५१:२४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।