छोराले भने, ‘कोरोनाले बुवाको ज्यान लियो, परिवारका २८ सदस्य संक्रमित’

मेगा खबर संवाददाता

२१, आषाढ २०७७

2.2K

छोराले भने, ‘कोरोनाले बुवाको ज्यान लियो, परिवारका २८ सदस्य संक्रमित’

दक्षिण क्यालिफोर्नियाका बासिन्दा रिचर्ड ग्यारेलाई जुन पहिलो हप्तामा कोरोनाभाइरसको संक्रमण देखियो । त्यहि समयमा उनका बुवा बिरामी भएको रिचर्डले जानकारी दिए ।

त्यसको दुई हप्तापछि उनका बुवा भिडाल ग्यारेको कोभिड–१९ का कारण मृत्यु भयो । त्यतिबेलादेखि उनको परिवारका २८ जनामा कोरोनाको संक्रमण देखिएको उनले बताए ।

‘मलाई लाग्छ, यो न्यूनतम सम्पर्कको माध्यमले भएको हो,’ उनले भने । उनका अनुसार उनको बुवालाई संक्रमणको कुनै लक्षण देखिएको थिएन । आफूलाई संक्रमण भएको थाहा नपाउँदा उनले तीनवटा घरमा भ्रमण गरेको छोरा रिचर्डले बताए । उनका अनुसार भेटघाट निकै संक्षिप्त थियो, कतिजनालाई त १० मिनेटका लागि पनि भेटेका थिएनन् ।

रिचर्डले आफ्नो परिवारबारे जानकारी दिएर यो भाइरस वास्तविक भएको र यसको संक्रमण कति छिटो सर्छ भनेर सबैलाई जानकारी दिन खोजेको बताए ।

उनका आमा–बुवा, २ वर्षे बालकलगायत अन्य दुई साना नानीहरु, दुई दाजुभाइ र गर्भवती भाउजुमा कोरोना संक्रमण देखिएको उनले बताए । उनका संयुक्त परिवारका अन्य सदस्य पनि कोरोना संक्रमणसँग जुधिरहेको उनले जानकारी दिए ।

फादर्स डेको एकदिन अघि उनका ६० वर्षका पिताको निधन भएको उनले बताए ।

‘आशा गरौं, उनको मृत्युले धेरैको ज्यान बचाउन सक्छ,’ रिचर्डले भने । ‘यदि उहाँको कथाले जीवन बचाउन सक्छ भने यसबारे जानकारी दिन आवश्यक छ । यो साँचो हो । यसले संक्रमित गर्न धेरै समय नै लाग्दैन ।’

‘मेरो बुवाको मृत्यु र पीडाबारे जानकारी दिएर हामीले अन्य सयौं वा हज्जारौंको ज्यान जोगाउन सक्छौं । यसबारे धेरै मानिसहरुलाई थाहा होस् भन्ने मेरो चाहना छ ।’

आइतवार, आषाढ २१ २०७७१०:५२:४१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।