सगरमाथा आरोहणका लागि गएका दुई आरोही आइसफल (हिउँको ढिक्का खस्दा) घाइते

मेगा खबर संवाददाता

१९, बैशाख २०७८

1.6K

काठमाडौँ, सगरमाथा आरोहणका लागि गएका दुई आरोही आइसफल (हिउँको ढिक्का खस्दा) घाइते भएका छन् ।

आज बिहानै आरोहणका क्रममा क्याम्प १ तर्फ जाँदै गर्दा एक विदेशी र एक नेपाली शेर्पा आरोही घाइते भएका छन् । उनीहरुलाई लगत्तै उद्धार गरेको सेभेन समिट ट्रेकका प्रमुख मिग्मा शेर्पालेमेगा खबरलाई जानकारी दिए ।

घाइते भएका आरोहीको गोडामा चोट लागेको छ । उनीहरुलाई हेली एभ्रेस्ट मार्फत उद्धार गरि काठमाडौँ ल्याइएको छ । हाल उनीहरुको सिविक हस्पिटलमा उपचार भइरहेको छ ।

टासी लाक्पा शेर्पा, दावा फिन्जु शेर्पा र क्याप्टेन सोवित गौचनले घाइते आरोहीको उद्धार गरेका छन् । अहिले सगरमाथा सहितका हिमालमा वसन्त ऋतुको आरोहण चलिरहेको छ ।

पर्यटन विभागले हालसम्ममा सगरमाथा आरोहणका लागि ४०८ जनालाई अनुमति दिएको छ । आरोहणका लागि बाटो बनाउने काम सकिएर अब आरोहीहरु माथि लाग्न लागेको छन् ।

आइतवार, बैशाख १९ २०७८०२:०८:०५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।