सिन्धुपाल्चोकमा कार्यरत सम्पुर्ण स्वास्थकर्मीहरुको कोरोना विमा

मेगा खबर संवाददाता

२२, जेठ २०७७

3.1K

नेपाली कांग्रेसका केन्द्रिय सदस्य एवं पुर्व सूचना तथा सञ्चारमन्त्री मोहन बहादुर बस्नेतले सिन्धुपाल्चोकमा कार्यरत सम्पुर्ण स्वास्थकर्मीहरुको कोरोना विमा गरिदिएका छन् ।

सिन्धुपाल्चोक जिल्लामा कार्यरत सम्पुर्ण स्वास्थ्यकर्मीहरुको लागि घोषणा गरिएको म्यादी स्वास्थ्य बिमाको फाइल र स्वास्थ्य सामाग्री जिल्ला जनस्वास्थ्य प्रमुख दुर्गादत्त चापागाईंलाई पुर्वमन्त्री बस्नेतले बिहीबार सिन्धुपाल्चोक सदरमुकाम चौतारामा हस्तान्तरण गरेकाछन् । जिल्ला जनस्वास्थ्य कार्यालय चौतारा लगायत जिल्लाका १२ वटै स्थानीय तहका स्वास्थ क्षेत्रमा कार्यरत ६१३ जनाको कोरोना बिमा गरिदिएको कांग्रेस युवा नेता युधिर पौडेलले जानकारी दिए ।

बिश्वब्यापी रूपमा फैलिएको कोरोना भाइरसको रोकथाम नियन्त्रणका लागि कार्यरत स्वास्थ्यकर्मीहरुलाई आफ्नो जिम्मेवारीमा लागिरहने हौसलाका लागि यो निर्णय लिएको नेता बस्नेतले बताए । पुर्वमन्त्री बस्नेत कोरोनाको प्रकोप जिल्लामा फैलिएसँगै आवस्यक स्वास्थ सामाग्री लिएर पटकपटक जिल्ला पुगेका थिए ।

उक्त बिमाको बिमालेख जिल्ला जनस्वास्थ्य कार्यालयको नाममा हुने र बिमाको अवधी एक बर्षको हुने बिमा कम्पनीले जनाएको छ । प्रतिब्यक्ती एक लाख रकम बराबरको उक्त विमा रकमको भुक्तानी विमित स्वास्थकर्मीको पिसिआर रिपोर्ट पोजेटिभ देखिएको खण्डमा तत्काल उपलब्ध गराइने छ ।

बिहिवार, जेठ २२ २०७७०१:०७:२१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।