बच्चा जन्मिएपछि आमाको मृत्यु, थापाथली प्रसूति अस्पतालमा परिवार आक्रोशित

मेगा खबर संवाददाता

२०, आश्विन २०८३

508

बच्चा जन्मिएपछि आमाको मृत्यु, थापाथली प्रसूति अस्पतालमा परिवार आक्रोशित

काठमाडौँ, काठमाडौँको थापाथलीस्थित परोपकार प्रसूति तथा स्त्री रोग अस्पतालमा बच्चा जन्माएलगत्तै एक सुत्केरीको मृत्यु भएको छ । सोमबार दिउँसो अपरेसनमार्फत बच्चा जन्मिएपछि राति करिब ३२ वर्षीया रबिना तामाङको मृत्यु भएको हो ।

धादिङको गजुरी गाउँपालिका–८ की रबिना असोज १८ गते अस्पताल भर्ना भएकी थिइन् । बच्चा जन्मिएपछि उनको स्वास्थ्य अवस्था बिग्रिएको र राति मृत्यु भएको परिवारले जनाएको छ ।

सुत्केरीको मृत्यु भएपछि उनका परिवार तथा आफन्तले अस्पतालको लापरबाहीका कारण घटना भएको आरोप लगाउँदै आक्रोश व्यक्त गरेका छन् ।

घटनापछि अस्पतालमा प्रहरी परिचालन गरिएको जिल्ला प्रहरी परिसर काठमाडौँका एसपी दानबहादुर थापाले जानकारी दिए । उनका अनुसार पीडित परिवार, अस्पताल प्रशासन र चिकित्सकबीच घटनाबारे छलफल भइरहेको छ ।

रबिनाले जन्म दिएको बच्चालाई भने आईसीयूमा राखेर उपचार भइरहेको छ ।

मंगलवार, आश्विन २० २०८३१२:३७:०५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।