केचाहिँ गदर्छस् ?

मेगा खबर संवाददाता

२२, पौष २०७७

2.2K

चन्द्रप्रसाद न्याैपाने,

सीममा गिल्गिलाे हुन्छ भासिन्छ हुन्न पत्थर जाऊ

गेग्रनमा झन्झन् बन्दछन् पाउ चर्चर

तिम्राे आफ्नै यहाँ के छ अर्काकै सृष्टि सिर्जना

सिकेनाै कि कतै काेही मैमा गर्छ नियन्त्रण

कर्मकाे फाँट हाे इच्छा हुन्छ पूर्ण गरे तर

हाेस् ए ! सक्दिन ऊ भन्छ हुन्छ के जिन्दगीभर

जिब्रो टाेकेर जे बाेलूँ सक्छ रे ! राग मेटिन

मसी पाेखेर के लेखूँ सक्छ के भाव भेटिन

जे छ छाेडेर के खाेजूँ केचाहिँ भेट्न सक्छु म

जगेर्ना फलकाे हुन्न कर्मविहीन बन्छु म

लाेककाे हितमा मैले सके गर्न सके दिन

भन्दछन् गतिलाे त्याे त नसके भार याे किन

सकेँ गर्न यहाँ के खै रुन्चेपिन्चे भएर म

गलेकाे छु बनी गन्ध सुगन्धादि हटेर म

छालै छेक्ने थियाे बन्नु तटबन्ध बनेर म

नालीमै पाे सडेँझैं छु हुतीहारा भएर म

न मार्क्स नै सकेँ चिन्न गान्धी माओ कता अरू

पृथ्वीनारायणै पाे न कस्ता कस्ता अहाे ! अरू

उठ्याे लेख्याे सुत्याे लेख्याे थुक्क नामर्द मर्दछस् !

व्यर्थका गन्गनकाे अर्थ लाग्दैनन् केचाहिँ गर्दछस् ?

यिनै यस्ता गरी चिन्ता बित्दैछ जिन्दगी प्रिय !

प्रिय हाेलान् स्वयम्निम्ति दुनियाँनिम्ति अप्रिय !

बुधवार, पौष २२ २०७७११:१३:५०

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।