रौतटहमा ३५ जना थप कोरोना भाइरस संक्रमित पुष्टि

मेगा खबर संवाददाता

१४, जेठ २०७७

2.1K

रौतटहमा ३५ जना थप कोरोना भाइरस संक्रमित पुष्टि

केही दिनयता रौतटहमा निरन्तर रुपमा कोरोना भाइरस संक्रमणको संख्या ह्वात्तै बढदै गएको छ । बुधबार मात्रै जिल्लाको बिभिन्न नगरपालिकाका ३५ जना थप संक्रमित पुष्टि भएको छ । योसहित बुधबारसम्म रौतहटमा कोरोना भाइरसको संक्रमणको संख्या १ सय ५ पुगेको छ ।

संक्रमितहरूमा भारतबाट आएर क्वारेण्टाइनमा बसेका गौर नगरपालिकाका ८, ईशनाथ नगरपालिकाका १६, गढिमाई नगरपालिकाका ७, देवाही गोनाही र कटहरिया नगरपालिकाका दुई दुई जना छन् । उनीहरूलाई जिल्लाकै आइसोलेसनमा राख्ने तयारी गरिएको छ ।

यसअघि जिल्लामा ७० जना संक्रमित थिए । बुधबार बिहानै बाग्लुङका ६ र हेटौंडाका एकजनामा संक्रमण पुष्टि भएको थियो ।

यता जिल्ला प्रशासन कार्यालय रौतहटले राति १२ बजेटबाट लागु हुनेगरी २ वटा नगरपालिकामा निषेधाज्ञा जारी गरेको छ । बढी संख्यामा कोरोना संक्रमित ईशनाथ नगरपालिका र राजपुर नगरपालिकामा निषेधाज्ञा जारी गरेको हो ।

बुधवार, जेठ १४ २०७७०८:५८:५८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।