पाँच दिनदेखि सुनकोशीमा बेपत्ता कुन्जनको अत्तोपत्तो छैन, परिवारको भावुक अपिल

मेगा खबर संवाददाता

१५, कार्तिक २०८३

433

पाँच दिनदेखि सुनकोशीमा बेपत्ता कुन्जनको अत्तोपत्तो छैन, परिवारको भावुक अपिल

सिन्धुपाल्चोक, सुनकोशी नदी किनारबाट बेपत्ता भएका २४ वर्षीय कुन्जन चौलागाईं पाँच दिन बितिसक्दा पनि सम्पर्कमा आएका छैनन् । छोराको कुनै खबर नपाएपछि परिवारले उनको खोजीका लागि सबैसँग सहयोगको अपिल गरेको छ ।

कुन्जन कात्तिक १० गते दिउँसो करिब २ बजे सिन्धुपाल्चोकको सुनकोशी गाउँपालिका–४ स्थित रोयल सुकुटे ब्रिज रिसोर्ट नजिकै नदी किनारको बालुवामा खेल्ने क्रममा बेपत्ता भएका थिए ।

८३ वर्षीया हजुरआमा र आमासहित परिवारका सदस्य उनको पर्खाइमा छन् । पाँच दिनसम्म पनि कुनै जानकारी नपाउँदा परिवार गहिरो पीडा र चिन्तामा डुबेको छ । परिवारले कुन्जन सकुशल भेटिने आशा अझै जीवित रहेको जनाएको छ ।

परिवारले सुनकोशी नदी आसपासका क्षेत्र, सिन्धुपाल्चोक, काभ्रे र सिन्धुलीका सीमावर्ती क्षेत्र तथा नदीको तल्लो बहावमा रहेका नागरिकलाई कुन्जनबारे कुनै जानकारी भए तत्काल खबर गरिदिन आग्रह गरेको छ ।

कुन्जनलाई देखेमा वा कुनै जानकारी प्राप्त गरेमा नजिकैको प्रहरी कार्यालय वा ९८५१०१५२२७ र ९८५१००३१४१ मा सम्पर्क गर्न परिवारले अनुरोध गरेको छ । नेपाल प्रहरीको हटलाइन १०० मा समेत खबर गर्न सकिनेछ ।

परिवारले उनको तस्बिरसहितको खोजी अपिल धेरैभन्दा धेरै सेयर गरिदिन आग्रह गरेको छ। छोराको पर्खाइमा रहेका परिवारको एउटै चाहना छ— कुन्जन सकुशल भेटिऊन् ।

शनिवार, कार्तिक १५ २०८३१०:५०:४८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।