मेष: धार्मिक तथा शैक्षिक यात्राको योग छ। सानो प्रयासबाटै उपलब्धि हात लाग्नेछ। सामाजिक क्षेत्रमा काम गरेर नाम कमाउने तथा खाद्यान्न र औषधिजन्य सामानको व्यापारबाट लाभ लिने अवसर छ।

वृष: आफन्तबीच मनमुटाव बढ्न सक्छ। व्यापारमा समय दिन नसक्दा घाटा हुनसक्छ। प्रेम तथा दाम्पत्य सम्बन्धमा तनाव आउन सक्छ। स्वास्थ्य र पढाइमा पनि विशेष ध्यान दिनुपर्नेछ।

मिथुन: नयाँ सवारी वा मन परेको भौतिक सम्पत्ति जोड्ने योग छ। व्यापार फस्टाउने र आम्दानी बढ्नेछ। पारिवारिक यात्रा तथा प्रेम सम्बन्धमा आत्मीयता बढ्नेछ।

कर्कट: प्रतिस्पर्धीलाई पछि पार्दै अघि बढ्न सकिनेछ। आफन्तबाट सहयोग मिल्नेछ। पढाइ तथा व्यापारमा राम्रो परिणाम हात लाग्नेछ। सामाजिक र राजनीतिक क्षेत्रमा पनि काम गर्ने अवसर मिल्नेछ।

सिंह: व्यापारमा लगानीबाट राम्रो आम्दानी गर्न सकिनेछ। परिवार र साथीभाइसँग रमाइलो यात्रा हुने योग छ। धन–सम्पत्ति लाभ तथा मनपर्ने व्यक्तिबाट उपहार मिल्न सक्छ।

कन्या: घरेलु समस्या र आमाको स्वास्थ्यले चिन्ता दिन सक्छ। आफन्त तथा साथीभाइबाट काममा अवरोध आउन सक्छ। सवारी चलाउँदा सावधानी अपनाउनुहोला। कृषि तथा पशुपालन व्यवसायमा भने लाभ मिल्नेछ।

तुला: नयाँ कामबाट राम्रो आम्दानी गर्न सकिनेछ। साथीभाइको सहयोग मिल्नेछ। उद्योग तथा सिर्जनात्मक काममा सफलता हात लाग्नेछ। रोकिएका काम पुनः सुरु हुने र विवादमा आफ्नो पक्ष बलियो हुने योग छ।

वृश्चिक: परिवारसँग बिग्रिएको सम्बन्ध सुधारिनेछ। व्यवसायबाट आम्दानी बढ्ने तथा उठ्न बाँकी रकम हात लाग्नेछ। शुभकार्यमा सहभागी हुने अवसर मिल्नेछ भने प्रेम सम्बन्धमा नजिकिने समय छ।

धनु: नयाँ प्रविधिको प्रयोगबाट व्यापारमा लाभ लिन सकिनेछ। रोकिएका रकम उठ्ने र आर्थिक अवस्था सुधारिनेछ। समाजसेवाबाट प्रतिष्ठा बढ्नेछ। आत्मविश्वास बढेकाले महत्वपूर्ण काम गर्न सकिनेछ।

मकर: ठूला तथा महत्त्वाकाङ्क्षी योजना तत्काल सुरु नगर्नु राम्रो हुनेछ। स्वास्थ्यमा समस्या आउन सक्छ। अनावश्यक यात्रा र जोखिमपूर्ण कामबाट टाढा रहनुहोला। विदेश यात्राको भने राम्रो योग छ।

कुम्भ: व्यापार व्यवसाय फस्टाउने र धन आगमनको योग बलियो छ। तरल तथा खनिज पदार्थको कारोबारबाट लाभ मिल्न सक्छ। प्रेम र पारिवारिक जीवनमा खुसी मिल्नेछ। पैतृक सम्पत्तिबाट पनि आम्दानी हुने योग छ।

मीन: पैतृक सम्पत्तिको प्रयोगबाट आर्थिक लाभ लिन सकिनेछ। लक्ष्यतर्फ अघि बढेका प्रयास सफल हुनेछन्। पढाइमा राम्रो नतिजा ल्याउन सकिनेछ। प्रेम, मनोरञ्जन तथा सामाजिक भेटघाटमा समय बित्नेछ।

तपाईंको दिन शुभ रहोस्।