त्रिशूली–३ ‘ए’ सुरुङमा उद्धार प्रयास जारी, ८२ जना परिचालन

मेगा खबर संवाददाता

१३, भाद्र २०८३

664

त्रिशूली–३ ‘ए’ सुरुङमा उद्धार प्रयास जारी, ८२ जना परिचालन

काठमाडौँ, रसुवास्थित त्रिशूली–३ ‘ए’ जलविद्युत् आयोजनाको सुरुङभित्र मानिस फसेको खबरपछि सुरु गरिएको उद्धार प्रयास शनिबार पनि जारी छ । सुरुङको प्रवेशद्वार लेदो र भग्नावशेषले पुरिएपछि त्यसलाई हटाएर भित्र पस्ने बाटो खोल्न सुरक्षाकर्मीको टोली बिहानैदेखि खटिएको छ ।

उद्धार कार्यलाई तीव्र बनाउन नेपाली सेनाका ६२ जना तथा सशस्त्र प्रहरी र नेपाल प्रहरीका २० जना गरी ८२ जनाको संयुक्त टोली परिचालन गरिएको छ । टोलीले शुक्रबार रातिदेखि नै सुरुङ खोतल्ने तथा खोजी कार्य गरिरहेको हो ।

प्रतिकूल मौसमका कारण उद्धारमा कठिनाइ भइरहेको छ । बाढीपहिरोबाट प्रभावित भूभागमा मौसमसमेत प्रतिकूल रहेकाले सुरुङसम्म पुग्ने र भग्नावशेष हटाउने काम चुनौतीपूर्ण बनेको छ ।

यसैबीच, उद्धारमा सहयोग गर्न भारतबाट आएको टोली पनि त्रिशूली पुगेको छ । भारतीय टोलीले हेलिकप्टरमार्फत चिलिमे र लाङटाङ क्षेत्रको रेकी गरी अवस्थाको प्रारम्भिक मूल्याङ्कन गरेको छ ।

मूल्याङ्कनपछि आवश्यकता हेरेर भारतीय टोलीलाई थप उद्धार कार्यमा परिचालन गरिने बताइएको छ ।

शनिवार, भाद्र १३ २०८३०२:२२:१९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।