साउनमा ७० हजारभन्दा बढीले लिए श्रम स्वीकृति, यूएई जानेको संख्या सर्वाधिक

मेगा खबर संवाददाता

२, भाद्र २०८३

592

साउनमा ७० हजारभन्दा बढीले लिए श्रम स्वीकृति, यूएई जानेको संख्या सर्वाधिक

काठमाडौं, साउन महिनामा वैदेशिक रोजगारीमा जान ७० हजार ४४१ जनाले श्रम स्वीकृति लिएका छन् । वैदेशिक रोजगार विभागका अनुसार श्रम स्वीकृति लिनेमा ६० हजार ४७२ पुरुष र ९ हजार ९६९ महिला छन् ।

साउनमा ४२ हजार ६९३ जनाले नयाँ श्रम स्वीकृति लिएका छन् भने २७ हजार ७४८ जनाले पुनः श्रम स्वीकृति लिएका छन् । नयाँ श्रम स्वीकृति लिनेमध्ये २९ हजार ४४७ जना म्यानपावर कम्पनीमार्फत र १२ हजार ४४२ जना व्यक्तिगत प्रक्रियाबाट वैदेशिक रोजगारीमा गएका छन् । ‘जीटुजी’ प्रक्रियामार्फत ७१२ जनाले श्रम स्वीकृति लिएका छन् ।

गन्तव्य मुलुकतर्फ साउनमा सबैभन्दा धेरै नेपाली श्रमिक यूएई गएका छन् । यूएईका लागि १८ हजार ७८४ जनाले श्रम स्वीकृति लिएका छन् । त्यसपछि मलेसियाका लागि १२ हजार ४९८, कतारका लागि १० हजार ३६० र साउदी अरबका लागि ८ हजार ६१३ जनाले श्रम स्वीकृति लिएका छन् ।

गत असारमा ६९ हजार ३६२ जनाले श्रम स्वीकृति लिएकोमा साउनमा यो संख्या १ हजार ७९ ले बढेको हो । त्यस्तै, आर्थिक वर्ष २०८२८३ मा ७ लाख ९२ हजार १८७ जना श्रम स्वीकृति लिएर वैदेशिक रोजगारीमा गएको विभागको तथ्यांक छ।

मंगलवार, भाद्र २ २०८३०३:१७:०५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।