भदौदेखि आन्दोलनमा उत्रिने शिक्षक महासंघको घोषणा, १५ बुँदे निर्णय सार्वजनिक

मेगा खबर संवाददाता

२२, श्रावण २०८३

673

भदौदेखि आन्दोलनमा उत्रिने शिक्षक महासंघको घोषणा, १५ बुँदे निर्णय सार्वजनिक

काठमाडौं, नेपाल शिक्षक महासंघले आगामी भदौदेखि सरकारविरुद्ध आन्दोलन अघि बढाउने घोषणा गरेको छ । महासंघको तेस्रो राष्ट्रिय परिषद् बैठकले विभिन्न शैक्षिक तथा पेसागत मागलाई लिएर आन्दोलनमा जाने निर्णय गरेको हो ।

शुक्रबार आयोजित पत्रकार सम्मेलनमार्फत महासंघले परिषद् बैठकबाट पारित १५ बुँदे निर्णय सार्वजनिक गरेको छ। बैठकले भदौदेखि आन्दोलन सुरु गर्ने निर्णय गरे पनि आन्दोलनको ठ्याक्कै मिति र कार्यक्रम भने पछि तय गरिने जनाएको छ ।

महासंघका अनुसार आन्दोलनको मिति, स्वरूप र कार्यक्रम निर्धारण गर्ने जिम्मेवारी विस्तारित कार्यदलीय बैठकलाई दिइएको छ । सोही बैठकले शिक्षकका माग र पछिल्लो शैक्षिक अवस्थालाई ध्यानमा राख्दै आन्दोलनको कार्यक्रम टुंगो लगाउनेछ ।

महासंघका अध्यक्ष लक्ष्मीकिशोर सुवेदीले विगतदेखि उठाउँदै आएका मागसँगै पछिल्लो समय देखिएका नयाँ शैक्षिक तथा पेसागत मुद्दालाई समेत समेटेर आन्दोलन गर्ने निर्णय गरिएको बताए ।

शिक्षकका पेसागत समस्या तथा शैक्षिक क्षेत्रसँग सम्बन्धित माग सम्बोधनका लागि सरकारलाई दबाब दिने उद्देश्यले आन्दोलनको तयारी गरिएको महासंघले जनाएको छ ।

शुक्रवार, श्रावण २२ २०८३०२:१७:११

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।