मकवानपुरमा तरकारी बोकेको ट्रक खोलामा खस्यो, एक जनाको मृत्यु

मेगा खबर संवाददाता

२०, श्रावण २०८३

580

मकवानपुरमा तरकारी बोकेको ट्रक खोलामा खस्यो, एक जनाको मृत्यु

काठमाडौं, मकवानपुरको भीमफेँदी गाउँपालिका–२ तिलटारस्थित त्रिभुवन राजमार्गमा तरकारी बोकेको ट्रक दुर्घटना हुँदा एक जनाको मृत्यु भएको छ भने चालक घाइते भएका छन् ।

बुधबार बिहान करिब २:३० बजे वीरगन्जबाट तरकारी लिएर जाँदै गरेको मधेस प्रदेश ०३–००२ ख ५०९५ नम्बरको ट्रक बाक्लो हुस्सु र ओरालो सडकका कारण चिप्लिएर करिब १०० मिटर तल चण्डी खोलामा खसेको जिल्ला प्रहरी कार्यालय मकवानपुरले जनाएको छ ।

दुर्घटनामा ट्रक चालक राक्सिराङ गाउँपालिका–९ निवासी २३ वर्षीय रञ्जित कार्कीको दाहिने खुट्टा भाँचिनुका साथै शरीरका विभिन्न भागमा चोट लागेको छ ।

ट्रकमा सवार उनका काका ३६ वर्षीय अर्जुन कार्की गम्भीर घाइते भएका थिए । उद्धारपछि उपचारका लागि हेटौंडा अस्पताल लगिएकोमा बिहान ९:१५ बजे चिकित्सकले उनलाई मृत घोषणा गरेका हुन् ।

दुर्घटनाका बेला ट्रकमा चालकसहित दुई जना मात्रै सवार रहेको प्रहरीले जनाएको छ। घटनाबारे थप अनुसन्धान भइरहेको छ ।

बुधवार, श्रावण २० २०८३१२:५६:१६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।