भूमि नामसारी प्रक्रियाका लागि ३५ दिने सार्वजनिक सूचना जारी

मेगा खबर संवाददाता

२३, आषाढ २०८३

607

भूमि नामसारी प्रक्रियाका लागि ३५ दिने सार्वजनिक सूचना जारी

काठमाडौं, भूमि प्रशासन कार्यालय,चाबहिलले जग्गा नामसारीसँग सम्बन्धित विषयमा ३५ दिने सार्वजनिक सूचना जारी गरेको छ ।

कार्यालयले गोरखापत्र दैनिकमार्फत प्रकाशित सूचनामा सम्बन्धित जग्गामा कसैको हकदाबी, दाबी–विरोध वा कानुनी आपत्ति भए सूचना प्रकाशित भएको मितिले ३५ दिनभित्र प्रमाणसहित कार्यालयमा उपस्थित भई निवेदन पेश गर्न आग्रह गरेको छ ।

सूचनाअनुसार काठमाडौं महानगरपालिका–४ र ११ अन्तर्गत रहेका केही कित्ता जग्गाको नामसारी प्रक्रिया अघि बढाइएको हो। सम्बन्धित जग्गा स्वर्गीय वीरबहादुर श्रेष्ठको नाममा दर्ता रहेको उल्लेख गर्दै निवेदकले कानुनबमोजिम आफ्नो नाममा नामसारी गर्न माग गरेका छन् ।

कार्यालयले तोकिएको अवधिभित्र कुनै दाबी,विरोध वा उजुरी प्राप्त नभए प्रचलित कानुनबमोजिम आवश्यक निर्णय तथा नामसारी प्रक्रिया अघि बढाइने जनाएको छ ।

भूमि प्रशासन कार्यालयले सूचना सम्बन्धित सबै सरोकारवालालाई जानकारीका लागि प्रकाशित गरिएको जनाएको छ ।

मंगलवार, आषाढ २३ २०८३०४:१४:२४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।