कर प्रणाली अद्यावधिक हुँदै, एक सातासम्म अत्यावश्यकबाहेक यातायात कार्यालय नजान विभागको आग्रह

मेगा खबर संवाददाता

४, श्रावण २०८३

700

कर प्रणाली अद्यावधिक हुँदै, एक सातासम्म अत्यावश्यकबाहेक यातायात कार्यालय नजान विभागको आग्रह

काठमाडौं : यातायात व्यवस्था विभागले सेवाग्राहीलाई अत्यावश्यक कामबाहेक आगामी एक सातासम्म यातायात कार्यालयमा नजान आग्रह गरेको छ । विभागले नयाँ करका दर लागू गर्ने,डाटाबेस स्थानान्तरण (Database Migration) तथा प्रणाली अद्यावधिकको काम भइरहेकाले सेवा प्रवाहमा केही प्रभाव पर्न सक्ने जनाएको हो ।

विभागले जारी गरेको सूचना अनुसार यातायात क्षेत्रसँग सम्बन्धित विभिन्न डिजिटल प्रणालीलाई थप व्यवस्थित,प्रभावकारी र सेवाग्राहीमैत्री बनाउने उद्देश्यले प्राविधिक सुधारको काम भइरहेको छ । यस क्रममा प्रदेश सरकारबाट निर्धारण गरिएका नयाँ करका दररेट प्रणालीमा प्रविष्टि तथा मिलान गर्ने कार्यसमेत जारी रहेको विभागले जनाएको छ ।

विभागका अनुसार यी सम्पूर्ण काम सम्पन्न हुन करिब एक साताको समय लाग्ने अनुमान गरिएको छ । त्यसैले अत्यावश्यक कामबाहेक सवारी दर्ता,नवीकरण,लाइसेन्स लगायतका सेवा लिन चाहने सेवाग्राहीलाई २०८३ साउन ८ गतेपछि सम्बन्धित यातायात कार्यालयमा सम्पर्क गर्न अनुरोध गरिएको छ ।

विभागले प्राविधिक सुधारपछि सेवा अझ सहज,छिटो र व्यवस्थित हुने विश्वास व्यक्त गर्दै सेवाग्राहीलाई केही दिन धैर्य गर्न आग्रह गरेको छ ।

सोमवार, श्रावण ४ २०८३०२:३८:५३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।