असारमा घरजग्गा कारोबारबाट करिब १२ अर्ब रुपैयाँ राजस्व, वर्षकै उच्च सङ्कलन

मेगा खबर संवाददाता

४, श्रावण २०८३

196

असारमा घरजग्गा कारोबारबाट करिब १२ अर्ब रुपैयाँ राजस्व, वर्षकै उच्च सङ्कलन

काठमाडौँ, घरजग्गा कारोबारबाट आर्थिक वर्ष २०८२८३ को असार महिनामा मात्रै रु ११ अर्ब ९४ करोड ८९ लाख ७४ हजार ४५४ राजस्व सङ्कलन भएको छ । भूमि व्यवस्थापन तथा अभिलेख विभागका अनुसार यो उक्त आर्थिक वर्षकै सबैभन्दा धेरै मासिक राजस्व सङ्कलन हो ।

विभागले सार्वजनिक गरेको विवरणअनुसार वैशाखमा रु ६ अर्ब २६ करोड ३८ लाख २९ हजार ८७३ राजस्व सङ्कलन भएको थियो, जुन आर्थिक वर्षको दोस्रो उच्च मासिक सङ्कलन हो ।

महिनागत विवरण अनुसार साउनमा रु ३ अर्ब २८ करोड ९१ लाख, भदौमा रु ३ अर्ब १४ करोड ७ लाख, असोजमा रु २ अर्ब ७५ करोड ८५ लाख र कात्तिकमा रु २ अर्ब ७४ करोड ५१ लाख राजस्व सङ्कलन भएको थियो ।

त्यसपछि मङ्सिरमा रु ४ अर्ब ८४ करोड ८१ लाख, पुसमा रु ५ अर्ब १७ करोड ३२ लाख, माघमा रु ५ अर्ब ९९ लाख, फागुनमा रु ४ अर्ब १४ करोड ९५ लाख, चैतमा रु ६ अर्ब १६ करोड ५७ लाख, वैशाखमा रु ६ अर्ब २६ करोड ३८ लाख र जेठमा रु ५ अर्ब २४ करोड ४२ लाख राजस्व सङ्कलन भएको विभागले जनाएको छ ।

विभागका अनुसार असार महिनामा घरजग्गा कारोबार उल्लेख्य रूपमा बढेपछि राजस्व सङ्कलन पनि उच्च भएको हो । सरकारले आर्थिक वर्ष २०८३८४ को बजेटमार्फत साउन १ गतेदेखि घरजग्गा कारोबारमा लाग्ने पुँजीगत लाभकर वृद्धि गर्ने व्यवस्था गरेपछि कर बढ्नुअघि कारोबार सम्पन्न गर्ने प्रवृत्ति बढेको र त्यसकै प्रभाव असार महिनाको कारोबारमा देखिएको अनुमान गरिएको छ ।

विभागको तथ्याङ्कअनुसार कोरोना महामारी र २०७२ सालको गोरखा भूकम्पपछि घरजग्गा कारोबारबाट असार महिनामा भएको यो राजस्व सङ्कलन सबैभन्दा उच्च मानिएको छ ।

सोमवार, श्रावण ४ २०८३०८:५८:५३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।