सरकारी कर्मचारीको तलब आजदेखि बढ्यो, न्यूनतम करिब ४० हजार

मेगा खबर संवाददाता

१, श्रावण २०८३

361

सरकारी कर्मचारीको तलब आजदेखि बढ्यो, न्यूनतम करिब ४० हजार

काठमाडौँ, सरकारले राष्ट्रसेवक कर्मचारीहरूको मनोबल उच्च बनाउने र बढ्दो महँगीको प्रभावलाई सम्बोधन गर्ने उद्देश्यले तलबमानमा उल्लेख्य वृद्धि गरेको छ । नयाँ आर्थिक वर्ष २०८३०८४ सुरु भएसँगै यो व्यवस्था आजदेखि लागू भएको हो ।

अर्थमन्त्री स्वर्णिम वाग्लेले जेठ १५ गते बजेट प्रस्तुत गर्दै कर्मचारीहरूको सुरु तलब स्केलमा १० प्रतिशत वृद्धि गरिएको जानकारी दिएका थिए । पछिल्ला चार वर्षदेखि कर्मचारीको तलब नबढेको अवस्थालाई ध्यानमा राख्दै हाल कायम रहेको महँगी भत्तालाई यथावत् राखिएको उनले बताएका थिए ।

यस्तै,कार्यसम्पादनमा आधारित पारिश्रमिक प्रणालीको सुरुवात गर्न थप १० प्रतिशत मासिक प्रोत्साहन भत्ताको व्यवस्था गरिएको पनि बजेटमार्फत घोषणा गरिएको थियो ।

नयाँ व्यवस्थासँगै कर्मचारीहरूले हाल प्राप्त गरिरहेको पारिश्रमिकमा करिब २१ प्रतिशतसम्म वृद्धि हुने सरकारको दाबी छ ।

तलब वृद्धिपछि निजामती, जङ्गी तथा शिक्षक कर्मचारीहरूको ग्रेडसहितको न्यूनतम मासिक तलब करिब ४० हजार रुपैयाँ पुगेको छ भने उच्च तहका कर्मचारीहरूको तलब १ लाख रुपैयाँभन्दा बढी कायम भएको छ।

शुक्रवार, श्रावण १ २०८३०९:२०:०१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।