काठमाडौं महाराजगन्जको भिजिट अबरोड ट्राभल्समा सीआईबीको छापा

मेगा खबर संवाददाता

१४, श्रावण २०८२

673

काठमाडौं महाराजगन्जको भिजिट अबरोड ट्राभल्समा सीआईबीको छापा

काठमाडौँ, स्पेन प्रकरणबारे छानबिन गरिरहेको समितिले महाराजगन्जस्थित एक ट्राभल्स एजेन्सीमा छापा मारेको छ ।

सीआईबीका एसएसपी होबिन्द्र बोगटी नेतृत्वको छानबिन समितिले भिजिट अबरोड टुर्स एण्ड ट्राभल्समा छापा मारेको हो । स्पेनको सेभिल्लामा असार १६ देखि १९ सम्म आयोजित संयुक्त राष्ट्रसंघीय सम्मेलनमा सहभागी गराउन सो ट्राभल्सले फर्जी कागजात बनाएर मानिसहरू पठाएको आशंकामा छापा मारिएको छानबिन समितिका एक जना सदस्यले जानकारि दिए ।

प्रधानमन्त्री सहभागी भएको ‘इन्टरनेशनल कन्फेरेन्स अन फाइनान्सिङ फर डेभलपमेन्ट अफ युनाइटेड नेशन्स एफएफडी–४’ मा सहभागी गराउन सो ट्राभल्सले फर्जी डकुमेन्ट तयार गरेर पठाएको सूचना प्रहरीले पाएको थियो । प्रधानमन्त्री ओली १४ असारमा त्यसतर्फ प्रस्थान गरेका थिए । स्पेनको सेभिल्लामा आयोजित कार्यक्रममा प्रधानमन्त्री गएको दिन र भोलिपल्ट पनि अनधिकृत व्यक्तिहरू त्यहाँ गएर नफर्केको छानबिन समितिको प्रारम्भिक निष्कर्ष छ ।

मंगलवार, श्रावण १४ २०८२११:५४:५१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।