१५ दिनमा ३१ वटा युट्युब च्यानल कारबाहीमा

मेगा खबर संवाददाता

१६, श्रावण २०८१

754

१५ दिनमा ३१ वटा युट्युब च्यानल कारबाहीमा

काठमाडौँ, प्रेस काउन्सिल नेपालले पत्रकार आचारसंहिताविपरीत सामग्री सम्प्रेषण गर्नेलाई १५ दिनमा ३१ वटा युट्युब च्यानल सञ्चालक (व्यक्तिकम्पनी) लाई कारबाही गरेको छ ।

काउन्सिलले मगंलबार विज्ञप्ति जारी गर्दै सञ्चारमाध्यमका रूपमा दर्ता सूचीकरण भएका र नभएका दुवैलाई कारबाही गरिएको जनाएको छ । दर्ता नभए पनि समाचारको शैलीमा द्वन्द्व बढाउने,चरित्रहत्या गर्ने तथा एकपक्षीय आरोपका सामग्री सम्प्रेषण गर्ने ती युट्युब च्यानल सञ्चालकलाई कारबाही गरिएको काउन्सिलले जनाएको छ ।

मिडिया अन्तर्गत सूचीकृत भएका तीन युट्युब च्यानललाई काउन्सिलले आचारसंहिता प्रतिकूल देखिएका अंश हटाई सम्पादन गर्न,सामग्री स्थगनगरी २४ घण्टाभित्र स्पष्टीकरण पेस गर्न र अश्लील सामग्री तत्काल हटाउन निर्देशनसमेत दिएको छ ।

हेल्लोटिभी नेपाल फेसबुक पेज,पिएनपी मिडिया र नागरिकपत्र युट्युब च्यानललाई उक्त निर्देशन दिइएको हो । काउन्सिलले हिंसा,आतङ्कलाई प्रश्रय पुग्ने, निराधार,अफवाहपूर्ण,अतिरञ्जित थम्बनेलसहितको शीर्षक दिइ भ्रमपूर्ण, अमर्यादित,अश्लील सामग्री सम्प्रेषण गर्ने त्यस्ता युट्युब च्यानल सञ्चालकलाई कारबाही प्रक्रिया अघि बढाएको विज्ञप्तिमा उल्लेख छ ।

बुधवार, श्रावण १६ २०८१०७:०७:५५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।