लघुकथा: उपाय

मेगा खबर संवाददाता

१२, जेठ २०८१

886

सुरेशकुमार पाण्डे

" ए केटा केहो यो ?" - बाह्र वर्षको केटाले हर्पेमा घ्यु उचालेको देखेर एकजना सैनिक क्याम्पको गेटमा उभिएको फौजीले सोध्यो ।
" घ्यु हो हजुर"
केनाम हो तेरो ?
" तुलसे ।"- ऊ डराइ डराई भन्छ । " तुलसे अरे ? पुरानाम भन्।"-फौजीले हकार्दै भन्यो ।
" तुलसे पाण्डे ! " ए । ए पाणे होस्"- फौजीले रोब जमाउँदै भन्यो ।
" देखा केको घ्यु हो ? "- फौजीले हात थाप्दै माग्यो ।
" लिनुस भैंसी र गाइको मिसाएको छ ।"-चम्चा बाट घ्यु हातमा राख्दै भन्यो ।
" ओहो राम्ररी खराएको रहिनछ ! ए केटा हो घ्यू लिन्छौ? "-फौजीले अरू पनि साथिहरूलाई बोलायो ।
सबैले एक -एक चम्चा चाख्ने बहानामा माग्दै जाँदै गर्दा हर्पेको दुई केजी घ्यू एक पाव जती घट्यो ।
तुलसे बिचरा के गरोस कसैलाई पनि केही भन्न सकिन।घ्यू कसैले पनि किनिनन् । दुई केजी घ्यूमा एक पाव जती सकियो ।
" अब केगरौँ यो घ्यू घट्यो ।" - उसलै मनैमन सोंचिरहेको थियो ।
" उताबाट रातो बत्तीवाला गाडि आएको देख्यो र तुलसे जोड-जोडले रूनथाल्यो ।
गेटमा पुगेपछि गाडी अडियो ।
त्यो गाडी बाट एकजना फौजी कैप्टन झर्यो । " - बाबु किन रोएको ?" कैप्टन नजिक गयो र सोध्यो ।
" हेर्नु त सर मेरो अढाई केजी घ्यू फौजीहरूले एक -एक चम्चा चाख्ने भन्दै खाएर सके । अब मलाई मेरो आमाले मार्छिन् ।"-ऊ झन रून थाल्यो । कैप्टन दयालु स्वभावको थियो। बालखको यो अवस्था त्यो पनि आफ्नै कार्यालयमा। कैप्टनले गेटमा सबैलाई बोलायो र अढाई केजीको दाम दिन लगायो ।
" अब आइन्दा कुनै सिकायत न आवस ।"-सबैलाई चेतवानी दिंदै भन्यो ।
सबै मिलेर अढाइ किलोको दाम बुझाए ।
आफ्नो जित भएकोमा तुलसे भने भित्रभित्रै मुस्कुराउँदै थियो ।
दाङ घोराही १८

शनिवार, जेठ १२ २०८१०७:००:१८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।