गजल

मेगा खबर संवाददाता

१४, माघ २०८०

826

सुरेशकुमार पाण्डे

देश भरिका जनताको समस्याले विलाप हुन्छ,
यो अवस्थामा नेता बिदेश भ्रमणमा टाप हुन्छ ।

दुबैले भन्छन् राष्ट्रियता गणतन्त्रको हितेसि हौँ,
फेरी किन एक आपसमा अनाप सनाप हुन्छ ।

कुन प्रतिगामी कुन विदेशीको दलाल के भनौँ,
सबैको अनुहारमा लगाउने उस्तै जिराप हुन्छ ।

नेता बनेपछि कुनै नियममा बस्नु पर्दैन होला,
कानुन भन्ने त जनतालाई मात्र करकाप हुन्छ ।

मर्दा मलामी जानपनि हैशियत चाहिन्छ होला,
गरिबको आसुँ भन्दा धनीकै बढी सन्ताप हुन्छ ।

गरिब मुक्तिका नारा लगाउँछन् धेरै पार्टीहरूले,
व्यवहारमा धनमानको हितमा सहिछाप हुन्छ ।

मलामी पनि झोलेकै घरमा बढी गएको देख्दा,
इमान्दार सँग त सधैभरी सधै वे इन्साप हुन्छ ।

लाश सँग पनि राजनीति हुने गर्छ हाम्रो देशमा,
हिंजो आज उल्टै इमान्दार भए झनै पाप हुन्छ ।

दाङ घोराही १८

आइतवार, माघ १४ २०८००४:३७:०८

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।