यदि तपाईंले हरेक दिन एउटा केरा खानुभयो भने तपाईंको स्वास्थ्य राम्रो हुन्छ र तपाईं दिनभर ऊर्जाले भरिपूर्ण रहनुहुनेछ । यो सबै वर्गका मानिसहरूले यसलाई सजिलै आफ्नो आहारमा समावेश गर्न सक्छन् । केरा एउटा यस्तो फल हो,जुन सजिलै हरेक ठाउँमा पाइन्छ । यसलाई स्वास्थ्यका लागि निकै राम्रो मानिन्छ,त्यसैले यसलाई सुपरफुडको श्रेणीमा राखिएको छ । 

गर्मीमा केराको एउटा समस्या के छ भने यो छिट्टै कालो हुन्छ । यदि तपाईंले यस्तो अवस्थामा यसलाई खरिद गर्दा केही कुराहरूलाई ध्यानमा राख्नुभयो र यसलाई घरमा राम्रोसँग भण्डार गर्नुभयो भने लामो समयसम्म ताजा राख्न सकिन्छ ।

झुन्डाएर राख्नुहोस्

केरालाई लामो समयसम्म ताजा राख्न चाहनुहुन्छ भने टेबल वा कुनै सतहमा राख्नुको सट्टा यसलाई कतै झुन्ड्याउनुहोस् । यसका लागि केराको डाँठमा धागो बाँधेर कतै झुन्ड्याउनुहोस् । यसो गर्दा केरा चाँडै पाक्दैनन् । 

केराको डाँठलाई प्लास्टिकले बेर्नुहोस्

केरालाई कुहिनबाट जोगाउन प्रत्येक केरालाई डाँठ छुट्टाउनुहोस् । त्यसपछि प्रत्येक केराको डाँठमा प्लास्टिकले बेर्नुहोस् । यसो गर्दा केरा पाक्ने प्रक्रिया स्लो हुन्छ । वास्तवमा यसबाट निस्कने एथिलिन ग्यास कम मात्रामा निस्कन्छ जसका कारण केरा ४–५ दिनसम्म फ्रेस हुन्छ । 

भिनेगरले धुनुहोस्

केरालाई छिट्टै बिग्रनबाट जोगाउन तपाईं भिनेगर पनि प्रयोग गर्न सक्नुहुन्छ । यसका लागि एउटा ठुलो भाँडोमा पानी भर्नुहोस् र त्यसमा केही चम्चा भिनेगर हाल्नुहोस् । अब त्यसमा केरा डुबाएर बाहिर निकालेर झुन्ड्याउनुहोस् ।

एयर टाइट भाँडाको प्रयोग

केरा धेरै दिनको लागि भण्डारण गर्न चाहनुहुन्छ भने, त्यसलाई एयर टाइट प्लास्टिकको झोलामा राख्नुहोस् र फ्रिजमा राख्नुहोस् । यसरी तपाईं केरालाई एक महिनाको लागि भण्डारण गर्न सक्नुहुन्छ । प्रयोग गर्नु भन्दा आधा घण्टा पहिले यसलाई डिफ्रोस्ट गर्नुहोस् ।