आजदेखि टेकु अस्पतालबाट फाइजरको बुस्टर डोज दिइँदै

मेगा खबर संवाददाता

११, फाल्गुण २०७९

1.0K

आजदेखि टेकु अस्पतालबाट फाइजरको बुस्टर डोज दिइँदै

फाइजरको बुस्टर डोज आजदेखि टेकुस्थित शुक्रराज ट्रपिकल तथा सरुवा रोग अस्पतालमा लगाइने भएको छ । अस्पतालका इमरजेन्सी इन्चार्ज लिलानाथ भण्डारीले बिहान १० बजेदेखि ३ बजेसम्म बुस्टर डोज लगाइने व्यवस्था मिलाइएको जानकारी दिए ।

भण्डारीले भने,‘हामीले वुस्टर डोज खोप लगाउने व्यवस्था मिलाएका छौं । अब आजदेखि बुस्टर डोज दिइनेछ ।’ मुख्यतः बुस्टर डोज नपाएर विदेश जाने यात्रुहरु अफ्ठेरोमा परेका थिए । गत सोमबार कोरोना संक्रममणविरुद्धको अतिरिक्त मात्रा (बुस्टर डोज)का लागि थप खोप सोमबार नेपाल आएको थियो । ‘खोपका लागि ग्लोबल एलायन्स’(गाभी)ले कोभ्याक्समार्फत जर्मन सरकारले उपलब्ध गराएको खोप नेपाललाई उपलब्ध गराएको थियो ।

सोमबार ३ लाख ४५ हजार ६ सय मात्रा खोप आएको हो । यसअघि फागुन १ र फागुन ४ गते ३ लाख ४५ हजार ६ सय मात्राका दरले खोप आएको थियो । गाभीले कोभ्याक्स सुविधामार्फत् जर्मन सरकारले उपलब्ध गराएको फाइजरको ‘बाइभ्यालेन्ट’खोप बुस्टर डोजका लागि मात्र प्रयोग गरिनेछ । नेपाललाई जर्मन सरकारले १५ लाख मात्रा खोप उपलब्ध गराउनेछ ।

सोमबारसहित बुस्टर डोजका लागि १० लाख ३६ हजार ८ सय मात्रा खोप नेपाल आएको छ । अब ४ लाख ६३ हजार मात्रा खोप आउन बाँकी छ ।

बिहिवार, फाल्गुण ११ २०७९०१:५३:५७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।