के तपाईलाई सेतो दुबीले हैरानै बनाएको छ ? यसरि गर्नुहोस् नियन्त्रण !

मेगा खबर संवाददाता

७, पौष २०७९

1.4K

के तपाईलाई सेतो दुबीले हैरानै बनाएको छ ? यसरि गर्नुहोस् नियन्त्रण !

काठमाडाैँ, पुस ७

मानिसको शरीर या अनुहारमा सेतो रङको दाग (पिगमेन्ट लस) आउने समस्या दुबी हो ।

यो रोगप्रतिरोधक क्षमताको कमी,वंशानुगत वा मेलनाइट्स (मेलेनिन उत्पादन गर्ने कोषिका, जसले छालालाई रङ दिने काम गर्छन्) को कमीले पनि हुन सक्छ । यदि समयमै उपचार गरिएन भने यो शरीरका विभिन्न भागमा फैलन्छ र उपचार गर्न मुस्किल पर्छ ।

लक्षण ः सेतो दुबी देखिनुअघि यसका केही लक्षण देखिन्छन् । समयमै उपचार गर्दा यसको प्रभावलाई रोक्न सकिन्छ । छालाको रङ परिवर्तन हुन थाल्छ, सूर्यको विकिरणको सम्पर्कमा आउनेले गुप्तांग,काखी र पेटमा कालो धब्बा देखिन्छ । कपाल खैरो देखिन थाल्छ,आँखाको परेलाका रङ बदलिन्छन्, जिब्रोको बाहिरी छालाको रङ परिवर्तन हुन थाल्छ ।

असर : मुख्यतः शरीरमा रङ बन्न नपाउँदा सेतो दुबी देखिने हुन्छ । दुबीले सौन्दर्यलाई असर पुर्‍याए पनि अरू समस्या निम्त्याउने भने हुँदैन । फोटोसेन्सेटिभिटी (घामले गर्दा छालामा रियाक्सन गर्ने विकिरण) र कहिलेकाहीँ अरू रोगसँग सम्बन्धित भएका कारणले गर्दा पनि दुबीको समस्या आउन सक्छ । दुबीले गर्दा नै असर गर्ने अथवा अरू कुनै समस्या हुने भन्ने हुँदैन । यो एक व्यक्तिबाट अर्को व्यक्तिमा सर्दैन ।

समाधान : दुबीको उपचार सुरुकै अवस्थामा गर्न सकिए केही हदसम्म निको हुन्छ । यो पुरानो छ भने पूर्ण रूपमा निको पार्न सकिँदैन । सामान्य दुबी भएमा मलमबाटै उपचार हुन्छ । तर, शरीरमा धेरै छ भने थेरापीबाट यसको उपचार गरिन्छ । विकिरणबाट रङ दिने कोषिका बढाएर उपचार गर्न सकिन्छ । छाला प्रत्यारोपण गरेर पनि यसको उपचार गर्न सकिन्छ । दुबी लाग्ने कारण र यसको उपचार प्रक्रियाबारे छालारोग विशेषज्ञसँग सल्लाह गरी आयुर्वेदिक उपचारसँगै सर्जरीका माध्यमबाट उपचार गर्न सकिन्छ ।

बिहिवार, पौष ७ २०७९०८:२४:४३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।