सरकारले आजदेखि फेरी जोर–बिजोर प्रणाली लागु

मेगा खबर संवाददाता

२२, श्रावण २०७७

2.1K

सरकारले आजदेखि फेरी जोर–बिजोर प्रणाली लागु

साउन २२, काठमाडौं । सरकारले आजदेखि सार्वजनिक तथा निजी सवारी साधनमा जोर–बिजोर प्रणाली लागु गरेको छ । दुई सय जनाभन्दा बढी सक्रिय संक्रमित भएका जिल्लाहरुमा जोर–बिजोर लागु गरिएको गृहमन्त्रालयले जनाएको छ ।

नयाँ नियम अनुसार आज साउन २२ गते जोर गते रहेकाले जोर नम्बर प्लेट भएका सवारी साधनमात्र चलाउन पाइने छ । लकडाउन खुलेपछि नेपालमा झन् कोरोना भाइरसको संक्रमण फैलिँदै गएपछि कोरोना भाइरस रोकथाम र नियन्त्रणका लागि भिडभाड कम गर्न सरकारले फेरि जोरबिजोरको आधारमा सवारी साधन सन्चालन गर्ने निर्णय गरेको हो ।

आजैदेखि दुई सय जनाभन्दा बढी कोरोना संक्रमित भएका जिल्लाका शहरी क्षेत्रमा पनि बेलुका ९ बजेदेखि बिहान ५ बजेसम्म आवागमन बन्द गरिएको गृह मन्त्रालयले जनाएको छ ।

त्यस्तै अत्यावश्यक ढुवानीबाहेकका गाडीहरुलाई बेलुका ७ बजेदेखि बिहान ७ बजेसम्म काठमाडौं उपत्यकामा प्रवेश निषेध गरिएको छ ।

बिहिवार, श्रावण २२ २०७७१०:४६:५७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।