कर्णाली प्रदेशसभा प्रतिपक्ष दल नेता जीवनबहादुर शाहीलाई कोरोना संक्रमण

मेगा खबर संवाददाता

२, श्रावण २०७७

1.2K

काठमाडौँ। कांग्रेस नेता तथा कर्णाली प्रदेशसभा प्रतिपक्ष दल नेता जीवनबहादुर शाहीलाई कोरोना संक्रमण देखिएको छ । दुई दिन अघि गरिएको स्वाव परीक्षणमा शाहीलाई कोरोना संक्रमण पुष्टि भएको हो ।

संसदीय समितिका विभिन्न बैठकमा जाने आउने गरेका शाही संसद बैठकमा उपस्थित हुने गरेका थिए । शाहीमा कोरोना संक्रमण देखिएपछि प्रदेशसभा सदस्य तथा सचिवालयमा त्रास छाएको छ ।

नेपाली कांग्रेसका केन्द्रीय सदस्य, पूर्व मन्त्री, नेपाली कांग्रेस प्रदेश सभा संसदीय दल एवं विपक्षी दलका नेता समेत रहनुभएका जीवनबहादुर शाही कोभिड–१९ संक्रमणका कारण होम आइसोलेसनमा रही उपचारार्थ रहेको कांग्रेस स्रोतले जनाएको छ ।

स्रोतका अनुसार शाहीको सम्पर्कमा आएका व्यक्तिको कारोना परीक्षण गरिने छ । कोरोना संक्रमण भएर उपचारको क्रममा रहनुभएका शाहीलाई नेपाली कांग्रेसले एक विज्ञेप्ती सार्वजनिक गरी शीघ्र स्वास्थ्यलाभको कामना समेत गरेको छ ।

शुक्रवार, श्रावण २ २०७७०४:००:३०

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।