दाङमा बबई गाउँपालिकाबाट आएका पाँच जनामा कोरोना संक्रमण

मेगा खबर संवाददाता

३१, आषाढ २०७७

1.4K

दाङमा बबई गाउँपालिकाबाट आएका पाँच जनामा कोरोना संक्रमण

दाङमा तेस्रो मुलुकबाट आएका पाँच जनामा कोरोना संक्रमण देखिएको छ । उनीहरू पाँचै जना बबई गाउँपालिका निवासी हुन् । बाँकेको भेरी अस्पतालमा मंगलबार गरिएको पीसीआर परीक्षणका क्रममा उनीहरूमा कोरोना संक्रमण देखिएको हो ।

संक्रमित बबई गाउँपालिका वडा नम्बर ६ का ४३ र ३८ वर्षीय, वडा नम्बर २ का २४, वडा नम्बर ३ का २८ र वडा नम्बर ४ का ४२ वर्षीय पुरुषमा कोरोना पुष्टि भएको बबई गाउँपालिका अध्यक्ष भवनेश्वर पौडेलले जानकारी दिए । संक्रमित मध्ये चार जना कुवेतबाट र एक जना दुवईबाट आएका रहेका छन् ।

कोरोना संक्रमण देखिएका पाँचै जनालाई उपचारका लागि कोरोना विशेष अस्पताल बेलझुण्डी लगिएको पौडेलले बताए । उनका अनुसार पदमपुर क्वारेन्टिनमा तेस्रो मुलकबाट आएका ५५ जना छन् । उनीहरू पनि त्यही क्वारेन्टिनमा बस्दै आएका थिए ।

बुधवार, आषाढ ३१ २०७७०३:०९:४७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।