काठमाण्डौ । सभामुख अग्निप्रसाद सापकोटाको पहलमा बलेफीनौविसे सडक स्तरोन्नतीको काम सुरु भएको छ ।

सिन्धुुपाल्चोक जिल्लाको बलेफी बजारबाट सुरु भएर जुुगल गाउँपालिकाको हिमाली गाउँ तेम्बाथानसम्म पुुग्ने यो सडक अरनिको राजमार्गमा पर्ने बलेफी बजारबाट सुरु हुन्छ ।

यो सडकखण्डको स्तरोन्नतिका लागि भौतिक पूर्बाधार तथा यातायात मन्त्रालय अन्तरगतको सडक डिभिजन कार्यालय चरिकोटले बोलपत्र आह्वान गरिसकेको छ । अब छिट्टै ठेक्का लाग्ने र काम सुरु हुने सडक विभागका अधिकारीहरुले जानकारी दिएका छन् ।

सिन्धुपाल्चोक क्षेत्र नं १ बाट निर्वाचित प्रतिनिधि सभा सदस्य रहनुुभएका सभामुख सापकोटाको विशेष पहलमा गतबर्ष बलेफी जलविरे, कात्तिके तेम्बाथान सडक सहायक राष्ट्रिय राजमार्गका रुपमा सुचिकृत भएको थियो । सहायक राजमार्गमा परेपछि बलेफि तेम्बाथान सडकखण्डको स्तरोन्नतीको कामले तिब्रता पाएको हो ।

सहायक राष्ट्रिय राजमार्गका रुपमा अघि बढाउने पहल स्वरुप बोलपत्र आव्हान भई काम अघि बढाइएको हो । यो सडक काठमाण्डौंबाट सबैभन्दा नजिक रहेको जुुगल हिमालको बेसक्याम्प पुुग्ने प्रवेश मार्ग हो । गतबर्षमात्रै नेपाली आरोहीहरुले जुुगल हिमालको सफल आरोहण गरेपछि यस क्षेत्रको चर्चा चुुलिएको छ ।

बलेफी गाउँपालिको बलेफी बजारबाट सुरु भएर नौबिसे, कल्लेरीबेसी, जलविरे, ढाँडे, चनौटे, सुनखोला, कात्तिके, मान्जे, गुम्बा हुँदै तेम्बाथान पुुग्ने यो सडकको स्तरोन्नतीले उच्च लेकाली भागको उत्पादनको पहुँच सजिलै बजारसम्म पुुग्नेछ । यस्तै जुुगलक्षेत्रको पर्यटन विकासमा सबैभन्दा धेरै सहयोग पुुग्ने छ ।

यो सडकमार्ग अन्तरगत बलेफी गाउँपालिका १ जलविरेमा रहेको बोक्सेखोला पुलदेखिका जुुगल गाउँपालिका ४ पाङताङको कात्तिके बजार सम्मको बाटो बागमती प्रदेश सरकार भौतिक पूर्वाधार मन्त्रालयको सहयोगमा स्तरोन्नतीको काम गत बर्ष देखि नै जारी छ ।