सगरमाथा आधार शिविरबाट फर्किएका १२ जनामा कोरोना सङ्क्रमण पुष्टि

मेगा खबर संवाददाता

२४, बैशाख २०७८

1.2K

सगरमाथा आधार शिविरबाट फर्किएका १२ जनामा कोरोना सङ्क्रमण पुष्टि

सोलुखुम्बु, सगरमाथा आधार शिविरबाट फर्किएका १२ जनामा कोरोना भाइरसकाे सङ्क्रमण पुष्टि गरिइएको छ ।

शिविरबाट फर्किएका दुई विदेशी सहित १२ जनामा कोरोना सङ्क्रमण पुष्टि भएको खुम्बुपासाङ ल्हामु गाउँपालिकाकी स्वास्थ्य संयोजक अर्थिमाया तामाङले जानकारी दिए । उनका अनुसार वैशाख १५ र १६ गते ११ जना, २२ गते बुधवार दुई जना, २३ गते बिहीवार चार जना, २४ गते शुक्रवार चार जनाको एन्टिजेन परीक्षण गर्दा कोरोना पोजेटिभ देखिएको छ ।

सङ्क्रमण पुष्टि भएकामध्येमा दुई जना सङ्क्रमितलाई श्वासप्रश्वासमा समस्या देखिएपछि गाउँपालिकाको आइसोलेशन सेन्टरमा राखेर उपचार सुरु गरिएको छ । अन्य आठ जनालाई होम आइसोलेशनमा राखिएको छ । याे सँगै हिमाली जिल्ला सोलुखुम्बुमा कोरोना सङ्क्रमितको सङ्ख्या २१ पुगेको छ ।

खुम्बु पासाङ ल्हामु गाउँपालिकाका १२ जनासहित सोलुखुम्बुमा कुल सङ्क्रमितको सङ्ख्या २१ पुगेको स्वास्थ्य कार्यालय सोलुखुम्बुले जनाइएको छ । कार्यालयका अनुसार अहिलेसम्ममा चार जनालाई थप उपचारका लागि अन्यत्र रेफर गरिएको छ । खुम्बुपासाङ ल्हामु गाउँपालिकाबाट फिलिपिन्स र दुबईका एकएक जना विदेशी नागरिकलाई थप उपचारका लागि हेलिकप्टर मार्फत काठमाण्डौ पठाइएको गाउँपालिकाकी स्वास्थ्य संयोजक अर्थिमाया तामाङले जानकारी दिए ।

जिल्ला अस्पताल फाप्लुमा परीक्षण गरिएका मध्ये एक जनालाई काठमाण्डाै र एक जनालाई विराटनगर रेफर गरिएको जिल्ला स्वास्थ्य कार्यालय सोलुखुम्बुका सूचना अधिकारी रामनारायण शाहले जानकारी दिए । लिखु हाइड्रोपावरमा गरिएको परीक्षण सहितको तथ्याङ्कलाई आधारमा सोलुखुम्बुमा ३० जनामा कोरोना सङ्क्रमण देखिएकाे छ ।

हाइड्रोपावरले गरेको परीक्षणलाई भने सरकारले आधिकारिक मानेको छैन ।

शुक्रवार, बैशाख २४ २०७८०७:२६:१३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।