राष्ट्रिय महिला तथा पुरुष भलिबल च्याम्पियनसिपमा विजयी सुरुवात

मेगा खबर संवाददाता

१९, चैत्र २०७७

1.8K

काठमाण्डाै, न्यू डायमण्ड स्पोर्ट्स क्लबले पाँचौँ संस्करणको राष्ट्रिय महिला तथा पुरुष भलिबल च्याम्पियनसिपमा विजयी सुरुवात भएको छ ।

त्रिपुरेश्वरमा रहेको राष्ट्रिय खेलकुद परिषद्को कभर्डहलमा बिहान भएको महिलातर्फको पहिलो खेलमा न्यू डायमण्डले ढोरपाटन स्पोर्ट्स क्लबलाई ३-० को सोझो सेटमा हराएको छ ।

प्रतियोगिता अन्तर्गत अहिले पुरुषतर्फको खेलमा नेपाल पुलिस क्लब र नयाँ बजार सामाजिक युवा क्लब खेलिरहेका छन् । योसहित आज पुरुषतर्फ तीन खेल हुनेछ । आजै दोस्रो खेलमा एपीएफले बुलबुले रारा क्लब तथा त्रिभुवन आर्मी क्लबले मणिमुकुन्द भलिबल क्लबसँग खेल्ने छ ।

महिलातर्फ भने आज अरु खेल छैन । आजदेखि सुरु प्रतियोगिता आउँदो बिहीवारसम्म चल्नेछ । प्रतियोगितामा पुरुषतर्फ ७ टिम र महिलातर्फ ६ टिमले प्रतिस्पर्धा गर्नेछन् ।

महिला र पुरुष विजेताले ३ लाख नगद तथा उपविजेताले १ लाख ५० हजार रुपैयाँ पुरस्कार पाउने छन् । यस्तै, तेस्रो हुनेले ७६ हजार र चौथो हुनेले ३७ हजार ५ सय रुपैयाँ पाउने छन् ।

बिहिवार, चैत्र १९ २०७७०१:२०:४९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।