रोनाल्डोका सिजनको २३ औँ गोलमा युभे विजयी

मेगा खबर संवाददाता

२५, माघ २०७७

1.8K

रोनाल्डोका सिजनको २३ औँ गोलमा युभे विजयी

क्रिस्टियानो रोनाल्डोको सिजनको २३ औँ गोलको मद्दतमा युभेन्टसले एएस रोमालाई हराउँदै इटालियन सिरिए एको तेस्रो स्थानमा उक्लिएको छ ।

रोनाल्डोले तीन खेलमा गोलको खडेरी अन्त्यत गर्दै खेलको १३ औँ मिनेटमा युभेन्टसलाई अग्रता दिलाएका थिए । दोस्रो हाफमा रोजर इबानेजले आत्मघाती गोल गरेपछि युभेन्टस २–० गोलले विजयी बन्एको छ ।

जीत सँगै साबिक विजेता युभेन्टस रोमालाई उछिन्दै लिगको तेस्रो स्थानमा उक्लिएको छ भने शीर्ष स्थानमा रहेको इन्टर मिलानसँग ५ अंकले पछि रहेको छ । यद्यपि, युभेले एक खेल कम खेलेको हो ।

आन्द्रे पिर्लोको टोलीका लागि सबै प्रतियोगितामा यो लगातार छैटौँ जीत हो । हालै ३६ वर्ष पुगेका रोनाल्डोले आफ्नो गोल गर्ने फर्मलाई जारी राखेका हुन् । लिगको सर्वाधिक गोलकर्ताको सूचीमा उनी इन्टर मिलानका रोमेलु लुकाकुभन्दा अघि १७ खेलबाट १६ गोल गर्दै शीर्ष स्थानमा छन् । अन्य खेलमा नापोली भने जेनोआसँग १–२ गोल अन्तरले पराजित भएका छन् ।

आइतवार, माघ २५ २०७७०९:००:३१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।