सिन्धुपाल्चोकमा इकोमेडिकेशन पार्कको निर्माण सम्पन्न

मेगा खबर संवाददाता

१५, माघ २०७७

2.5K

सिन्धुपाल्चोकमा इकोमेडिकेशन पार्कको निर्माण सम्पन्न

सिन्धुपाल्चोक, बाह्रबिसे नगरपालिका–४ पलातीमा बहुउद्देश्यीय योजना अन्तर्गत इकोमेडिकेशन पार्क (ध्यानशाला) को निर्माण सम्पन्न भएको छ ।

पहिलो चरणमा रु चार करोडको लागतमा करीब ५०० जना अटाउने सुविधा सम्पन्न ध्यानशाला भवनको निर्माण सम्पन्न भएको उपभोक्ता समितिका अध्यक्ष कृष्ण न्यौपानेले जानकारी दिए ।

वाग्मती प्रदेश उद्योग, पर्यटन, वन तथा वातावरण मन्त्रालयको रु १२ करोडको बजेटबाट तीन वर्षभित्र सम्पन्न हुनेगरी गत वर्षदेखि निर्माण शुरु भएको थियो । सुनकोशी सालधारी सामुदायिक वन क्षेत्रभित्र हुने उक्त स्थानमा यस वर्ष सुनकोशीस्थित कपेश्वर महादेव मन्दिर परिसरबाट भवन सम्म पुग्ने रेलिङसहितको दुई किलोमिटर सिँढीको लागि बोलपत्र आह्वान गरिएको बताइएको छ ।

आगामी वर्षभित्र त्यहाँ स्थित बोक्से भन्ने स्थानमा अवस्थित प्राचीन गुफामा शिवको प्रतिमा स्थापना गर्ने लक्ष्य रहेको छ ।त्यसैगरी बालउद्यान, वनभोजस्थल र बौध स्तुपासमेत निर्माण गरिने उपभोक्ता समितिका अध्यक्ष न्यौपानेले बताए ।

त्यहाँ निर्माण हुने संरचनाको लागि वन समिति, उद्योग वाणिज्य सङ्घ, सम्बन्धित वडाका वडाध्यक्ष र सव डिभिजन वन कार्यालयका प्रतिनिधि समावेश समितिबाट अनगुमन गरिने व्यवस्था मिलाइएको छ ।

सबैलाई समेट्ने गरी ध्यानशाला निर्माण हुन लागेको बताउँदै नगरपालिकाकी उपप्रमुख सुशीला पाख्रीनले अहिलको तानवयुक्त जिवनबाट उन्मुक्ति पाउन ध्यानतिर अकार्षित हुँदै गएको छ उनले जानकारि दिए ।

बिहिवार, माघ १५ २०७७०२:२५:०६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।