फ्रेन्च सुपर कपको उपाधि पिएसजीलाई

मेगा खबर संवाददाता

१, माघ २०७७

2.0K

काठमाडौं। फ्रेन्च सुपर कपको फाइनलमा मार्सेइलाई पराजित गर्दै पेरिस सेन्ट जर्मेन (पिएसजी) ले कीर्तिमानी १० औं पटक फ्रेन्च सुपर कपको उपाधि आफ्नो कब्जामा राखेको छ ।

पिएसजीको लागि खेलको ३९ औं मिनेटमा इकार्डीले पहिलो गोल गरेका थिए । पहिलो हाफ १(० गोलको अन्तरमा सकिएको थियो ।

दोस्रो हाफको ८५ औं मिनेटमा नेयमारले गोल गर्दै पिएसजीको अग्रता दोब्बर पारे । गोलरक्षक योहान पेलेले पेनाल्टी क्षेत्रभित्र इकार्डीलाई लडाएपछि पिएसजीले पेनाल्टी पाएको थियो । दोस्रो हाफमा एन्जल डी मारियाको स्थानमा मैदान छिरेका नेयमारले कुनै गल्ति नगरी पेनाल्टीमार्फत गोल गर्न सफल रहे ।

मार्सेइले अन्तिम समयमा सान्त्वना गोल फर्काएका थिए । तर उक्त गोल जितका लागि पर्यप्त नहुँदा पिएसजीले आफ्नो १० पटक उपाधि रक्षा गरेको हो ।

बिहिवार, माघ १ २०७७०७:०८:१४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।