संसद् विघटनप्रति कांग्रेसको गम्भीर ध्यानाकर्षण

मेगा खबर संवाददाता

५, पौष २०७७

2.2K

संसद् विघटनप्रति कांग्रेसको गम्भीर ध्यानाकर्षण

काठमाडौं । प्रमुख प्रतिपक्षी दल नेपाली कांग्रेसले मन्त्रिपरिषद्बाट आज प्रतिनिधिसभा विघटन गरी आगामी वैशाखमा मध्यावधि निर्वाचन गर्ने गरी भएको सिफारिस र राष्ट्रपतिबाट उक्त सिफारिस स्वीकृत भएको घटनाप्रति गम्भीर ध्यानाकर्षण भएको जनाएको छ ।

कांग्रेस केन्द्रीय कार्यसमितिका पदाधिकारी एवं पूर्वपदाधिकारीहरुको आज बसेको बैठकले उक्त घटना लोकतान्त्रिक मूल्य, मान्यता र संवैधानिक व्यवस्था प्रतिकूल भएको निष्कर्ष निकालेको छ । बैठकले सरकारले गरेको यो निर्णयले मुलुकलाई अस्थिरतातर्फ लैजाने निष्कर्ष निकालेको कांग्रेस मुख्यसचिव कृष्णप्रसाद पौडेलले जानकारी दिए ।

बैठकले वर्तमान असहज परिस्थितिमा नेपाली जनतासामु नेपालको सङ्घीय लोकतान्त्रिक गणतन्त्रात्मक संसदीय शासन व्यवस्था र संविधानको संरक्षण गर्दै मुलुकलाई सही मार्गमा डो¥याउन आफ्ना सबै प्रयत्न केन्द्रित गर्ने प्रतिबद्धता व्यक्त गरेको उनले बताए ।

कांग्रेसले पार्टी सभापति शेरबहादुर देउवाको नेतृत्वमा संसद्मा क्रियाशील अन्य राजनीतिक दलहरुसँग समन्वय र सल्लाह गरी लोकतान्त्रिक पद्धतिको संरक्षणका लागि कार्य गर्ने निर्णय गरेको छ ।

आइतवार, पौष ५ २०७७०८:३६:२३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।