विधि र पद्धतिका पक्षमा दृढतापूर्वक उभिने प्रण गर्दछु : गौतम

मेगा खबर संवाददाता

२६, कार्तिक २०७७

2.3K

विधि र पद्धतिका पक्षमा दृढतापूर्वक उभिने प्रण गर्दछु : गौतम

काठमाडौं । सत्तारुढ दल नेपाल कम्युनिष्ट पार्टी (नेकपा) का उपाध्यक्ष बामदेव गौतमले आफू संविधानको सर्वोचचता तथा विधि र पद्धतिका पक्षमा दृढतापूर्वक उभिइरहने प्रण गरेका छन् । सामाजिक सञ्जालमार्फत आफूलाई संवैधानिक जिम्मेवारी नदिइयोस् भनी सर्वोच्चमा परेको रिट उपर जारी भएको अन्तरिम आदेश खारेज भएको जानकारी दिँदै सो कुरा बताएका हुन् ।

गौतमविरुद्ध परेको उजुरीको अन्तरिम आदेश सर्वोच्च अदालतले आज खारेज गरेको छ । खारेज भएसँगै सबैलाई आभार प्रकट गर्दै गौतमले भनेका छन्,‘यसबीचमा मप्रति शुभेच्छा र सद्भभाव प्रकट गर्नुहुने समस्त महानुभावप्रति म हार्दिक आभार प्रकट गर्दछु । मेरो पक्षमा बहस गर्नुहुने सम्पूर्ण विद्वान कानुन व्यवसायी मित्रहरु प्रति म कृतज्ञ छु ।’

साथै, उनले यो विषय पद र प्रतिष्ठासँग नगाँसिएको बताएका छन् । उनले भनेका छन्,‘वास्तवमा यो विषय कुनै पद र प्रतिष्ठासँग गाँसिएको थिएन । हामी पार्टीभित्र विधि र पद्धति स्थापित गर्ने अभियानमा सरिक भइरहेको बेला प्रत्येक विषयलाई पद र व्यक्तिगत प्रतिष्ठासँग गाँसेर विधि र पद्धतिका कुरालाई विषयान्तर गर्न केही व्यक्तिहरु क्रियाशील भए ।’

साथै उनले विधि र पद्धतिका पक्षमा दृढतापूर्वक उभिइरहने प्रण गर्दै भनेका छन्, ‘फेरि पनि म संविधानको सर्वोच्चता तथा विधि र पद्धतिका पक्षमा दृढताका पूर्वक उभिइरहने प्रण गर्दछु ।’

बुधवार, कार्तिक २६ २०७७०७:२२:०४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।