रास्वपाको महाधिवेशन आउन १८ दिनमात्रै बाँकी, अझै बनेन जिल्ला निर्वाचन समिति

मेगा खबर संवाददाता

२०, जेठ २०८३

742

रास्वपाको महाधिवेशन आउन १८ दिनमात्रै बाँकी, अझै बनेन जिल्ला निर्वाचन समिति

काठमाडौँ, राष्ट्रिय स्वतन्त्र पार्टी (रास्वपा)को प्रथम महाधिवेशन आउन १८ दिनमात्र बाँकी रहँदा जिल्लामा निर्वाचन समितिले पूर्णता पाएको छैन ।

केन्द्रीय निर्वाचन आयोगको जेठ ७ गते बसेको बैठकले सार्वजनिक गरेको महाधिवेशन कार्यतालिका अनुसार १५ गतेसम्म ७७ जिल्ला र ७ प्रदेशमा निर्वाचन समिति गठन गर्ने भनिएको थियो । सोमबार बसेको सचिवालय बैठकले भुवन केसीलाई केन्द्रीय निर्वाचन अयोग प्रमुखमा मनोनयन गर्‍यो । केसीकै अध्यक्षतामा मंगलबार बसेको बैठकले सात प्रदेशमध्ये कोशी, मधेस, बागमती, गण्डकी र लुम्बिनी प्रदेशको मात्र प्रदेश अधिवेशनको समन्वय, सहजीकरण र प्रदेश निर्वाचन आयोग गठन गर्ने जिम्मेवारीसहित आयोगका सदस्यहरूलाई खटाउने निर्णय गर्‍यो ।

प्रदेश अधिवेशन जेठ २६ देखि असार १ गतेसम्म लगातार राखिएको छ । तर २३ र २४ गते हुने जिल्ला अधिवेशनका लागि अहिलेसम्म निर्वाचन समिति नै गठन नभएको बुझिएको छ । पार्टीको निर्वाचन आयोगका एक जना पूर्वपदाधिकारीले जिल्लामा निर्वाचन समिति नै नबनेको जिकिर गरे ।

Election_RSP

बुधवार, जेठ २० २०८३०५:२०:४८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।