प्रधानमन्त्री निवासमा नै बस्न थालिन् सुशीला कार्की

मेगा खबर संवाददाता

२९, भाद्र २०८२

952

प्रधानमन्त्री निवासमा नै बस्न थालिन् सुशीला कार्की

काठमाडौं, गत मंगलबारको आगजनीले बालुवाटारस्थित प्रधानमन्त्री निवास पनि जोगिन सकेन । प्रदर्शनकारीले प्रधानमन्त्री निवासभित्र प्रवेश गरेर सवारीसाधनमा आगजनी र भवनहरू तोडफोड गरे ।

सुरक्षा स्रोतका अनुसार, बालुवाटार सडकबाट प्रधानमन्त्री निवास छिर्ने ३ नम्बर मूल गेट,त्यहाँभित्रका सवारीसाधन र भवनहरूमा क्षति पुगेको छ । प्रधानमन्त्री सुशीला कार्की शुक्रबार राति शपथ ग्रहणपछि सरकारी निवासमा बस्दै आएकी छन् । उनले टोखास्थित निजी निवासमा बस्ने इच्छा भए पनि सामान्य रूपमा बनाइएको घरमा सुरक्षाकर्मी र सचिवालयका अरू कर्मचारीहरू अट्नै नसक्ने अवस्था भएपछि उनी तत्काल बालुवाटारमा सरेकी हुन् ।

आज बिहान सिंहदरबारमा खडा गरिएको प्रधानमन्त्री तथा मन्त्रिपरिषद्‌को कार्यालयमा पदभार ग्रहण नगरुञ्जेल प्रधानमन्त्री कार्कीले शनिबार दिनभर बालुवाटारस्थिति सरकारी निवासबाट नै सरकारी अधिकारी एवं सरोकारवालाहरूसँग भेटघाट र परामर्श गरेकी थिइन् ।

आइतवार, भाद्र २९ २०८२०४:१७:२३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।