शीर्ष स्थानमा उक्लने मौका लिभरपुलले गुमायो

मेगा खबर संवाददाता

२६, चैत्र २०८०

907

शीर्ष स्थानमा उक्लने मौका लिभरपुलले गुमायो

म्यानचेस्टर युनाइटेडसँग बराबरीमा रोकिएपछि लिरभपुलले प्रिमियर लिगको शीर्ष स्थानमा उक्लने अवसर गुमाएको छ । आइबार राति भएको खेलमा लिभरपुल २–२ गोलको बराबरी खेल्न बाध्य बन्यो ।

खेलमा अग्रता भने लिभरपुलले लिएको थियो । पहिलो हाफमा नियन्त्रण बनाएको टोलीलाई २३ औँ मिनेटमा लुइस डियाजले अग्रता दिलाएका थिए । लिभरपुलले युनाइटेडको पोस्टमा १५ वटा प्रहार गर्दा घरेलु टोलीले एउटा पनि प्रहार गर्न सकेन ।

तर, दोस्रो हाफमा ब्रुनो फर्नान्डेज र कोबी माइनाले गोल गर्दै युनाइटेडलाई अग्रता दिलाए । पराजयतर्फ अघि बढिरहँदा लिभरपुलका लागि मोहम्मद शालाहले ८४ औँ मिनेटमा गोल गर्दै खेल बराबरी गरे । ओल्ड ट्राफोडमा लगातार चार खेलमा गोल गर्ने उनी पहिलो खेलाडी बनेका छन् ।

बराबरीपछि ३१ खेलबाट ७१ अङ्क बटुल्दै लिभरपुल अङ्क तालिकामा दोस्रो स्थानमा छ । सामान अङ्क रहेको आर्सनल गोल अन्तरको आधारमा शीर्ष स्थानमा छ । युनाइटेड भने ४९ अङ्कसहित छैटौँ स्थानमा सीमित छ ।

सोमवार, चैत्र २६ २०८००७:२८:५६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।