क्यानडाले दियो नेपाललाई २३३ रनको लक्ष्य

मेगा खबर संवाददाता

२९, माघ २०८०

676

काठमाडौँ, माघ २९ गते, क्यानडाविरुद्ध एक दिवसीय क्रिकेट सिरिजको तेस्रो तथा अन्तिम खेलमा क्यानडाले नेपाललाई जितका लागि दुई सय ३३ रनको लक्ष्य दिइएको छ ।

कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गर्ने निम्तो पाएको क्यानडाले निर्धारित ५० ओभरमा आठ विकेटको क्षतिमा दुई सय ३२ रन बनायो । क्यानडाका लागि नवनित धनिवालले ५० रन बनायो । निखिल दत्तले ४५,कप्तान साद विन जाफरले अविजित ३१,हर्ष ठाकेरले २९,श्रीयास मोभाले २५ र श्रीमान्थ विजयरत्नेले २२ रन बनायो ।

बलिङमा नेपालका हेमन्त धामीले तीन विकेट लियो । धामीले क्यानडाविरुद्ध नेपालका लागि डेब्यु गरे । कुशल मल्ले दुई तथा ललित राजवंशी र आकाश चन्दले एक एक विकेट झार्यो । नेपाले तीन खेलको सिरिज एक खेल अगावै जितिसकेको छ । पहिलो खेल सात रन र दोस्रो खेल चार विकेटले जितेको नेपाल सिरिजमा २-० ले अगाडि छ ।

नेपाल आज क्यानडाविरुद्ध तेस्रो जित निकाल्दै सिरिजमा ‘क्लिन स्विप’ गर्ने लक्ष्यमा रहेको छ ।

सोमवार, माघ २९ २०८००२:१४:०९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।