इंग्लिस प्रिमियर लिग : जोटाको डेब्यु गोलमा लिभरपुलको पूनरागमन जित

मेगा खबर संवाददाता

१३, आश्विन २०७७

3.4K

इंग्लिस प्रिमियर लिग : जोटाको डेब्यु गोलमा लिभरपुलको पूनरागमन जित

एजेन्सी। इंग्लिस प्रिमियर लिग फुटबल अन्तर्गत गएराति भएको खेलमा लिभरपुल विजयी भएको छ । सोमबार रातिको खेलमा लिभरपुलले आर्सनललाई ३-१ ले पराजित गरेको हो । खेलको सुरुमा आर्सनलले अग्रता लिए पनि लिभरपुल विजयी भएको छ।

आर्सनलका लाकाज्टेले खेलको २५ औं मिनेटमै गोल गरेका थिए। उनको पहिलो गोलले टिमलाई उत्साहित बनाए पनि त्यो जितका लागि पर्याप्त भएन ।

आर्सनलले गोल गरेको तीन मिनेटमै लिभरपुलका मानेले खेलको २८ औं मिनेटमा गोल गर्दै खेलमा १-१ बराबरी बनाए । त्यस्तै खेलको ३४ मिनेटमा रोबर्टसनले गोल गर्दै खेलको नतिजा उल्टाएर पहिलो हाफमा २-१ को अन्तर बनाए ।

दोस्रो हाफमासमेत आर्सनलमाथि हाबी भएको लिभरपुलका लागि खेलको ८८ औं मिनेटमा जोटाले गोल गर्दै खेल ३-१ को शानदार जित निश्चित गरे ।

लिगकै अर्को खेलमा एस्टन भिल्ला विजयी भएको छ । राति भएको खेलमा एस्टन भिल्लाले फुलहमलाई ३ शून्य गोल अन्तरले हराएको हो । एस्टनभिल्लाको जितमा ग्रियलिस, हौरिह्यान र मिङस्ले गोल गरे ।

मंगलवार, आश्विन १३ २०७७०५:५९:११

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।