गारनाचोको शानदार गोलमा युनाइटेड विजयी हासिल

मेगा खबर संवाददाता

११, मंसिर २०८०

844

गारनाचोको शानदार गोलमा युनाइटेड विजयी हासिल

काठमाडौँ, अलेहान्द्रो गारनाचोले सिजनको उत्कृष्ट गोलको दाबेदारमा पर्ने शानदार गोल गरेपछि म्यानचेस्टर युनाइटेडले एभर्टनमाथि सहज जीत हासिल गरेको छ ।

आइतबार प्रिमियर लिग अन्तरगतको खेलमा युनाइटेड ३–० गोलले विजयी बनेको हो । गारनाचोले खेलको तेस्रो मिनेटमा नै बाइसाइकल किकमार्फत गोल गर्दै युनाइटेडलाई अग्रता दिलाएका थिए । त्यसपछि दोस्रो हाफको ५६ औँ मिनेटमा मार्कस रासफोर्डले पेनाल्टीमार्फत टोलीको अग्रता दोब्बर बनाए ।

७५ औँ मिनेटमा आफ्नो गोलको खडेरी अन्त्य गर्दै एन्टोनी मार्सियालले तेस्रो गोल गरे । जीतपछि युनाइटेड २४ अङ्कसहित लिगको छैटौँ स्थानमा उक्लिएको छ । उता १० अङ्क घटाएर कारबाही भोगेको एभर्टन ४ अङ्कसहित रेलिगेसन जोनमा छ ।

आइतबार नै भएका अन्य खेलमा गोलले पछि परेको स्थिति उल्टाउँदै एस्टन भिल्लाले टोटनह्याम हटस्पर्सलाई २–१ गोलले हरायो ।

सोमवार, मंसिर ११ २०८००७:०६:३९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।