मेस्सी बिना नै अर्जेन्टिनाको सहज जीत हासिल

मेगा खबर संवाददाता

२७, भाद्र २०८०

793

मेस्सी बिना नै अर्जेन्टिनाको सहज जीत हासिल

कप्तान लियोनेल मेस्सी बिना पनि अर्जेन्टिनाले विश्वकप छनोट खेलमा बोलिभियामाथि सहज जीत हासिल गरेको छ ।

मंगलबार भएको खेलमा अर्जेन्टिना ३–० गोलले विजयी भएको हो । एन्जो फर्नान्डेजले खेलको ३१ औँ मिनेटमा टोलीलाई अग्रता दिलाएका थिए । ३९ औँ मिनेटमा रोबर्टो फर्नान्डेजले रातो कार्ड पाएपछि बोलिभिया १० खेलाडीमा सीमित बनेको थियो ।

यसको फाइदा उठाउँदै निकोलास टाग्लिफिकोले ४२ औँ मिनेटमा अर्जेन्टिाको अग्रता दोब्बर बनाए । त्यसपछि दोस्रो हाफको अन्त्यतिर निकोलास गोन्जालेजले तेस्रो गोल थप्दै टोलीको जीत सुनिश्चित गरे । सात पटकका बालोन डी’ओर विजेता मेस्सीलाई यो खेलमा आराम दिइएको थियो ।

गत जुलाईमा डेभिड बेकह्यामको इन्टर मियामीमा आबद्ध भएपछि मेस्सीले लगातार खेलहरू खेलिरहेका छन् । पछिल्ला ४८ दिनमा उनले १२ खेल खेलेका छन् ।

बुधवार, भाद्र २७ २०८००६:४०:११

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।