रञ्जना राई

काठमाडौं,चैत्र ३०
उदयपुर जिल्लाको लिम्चुङबुङ गाउँपालिकाले हामी मिलेर हाम्रो गाउँको विकास गर्छौं अवधारणा अन्तर्गत आउदै गरेका नयाँ वर्ष २०८० को अवसरमा गाउँपालिकाको केन्द्र बाराहा(कटुवाल भञ्ज्याङ राईचोक)मा बैशाख १ गते देखि ५ सम्म लिम्चुङबुङवासीले  बृहत हाटबजार सञ्चालन गर्ने भएको छ उक्त हाटबजार प्रदेश सांसद माननीय नारायण बुर्जा मगर मार्फत  समुदघाटन  गर्ने  पालिका अध्यक्ष मेजर कुमार राईले बताए । 

यो हाटबजार पालिकाबासीले उत्पादन गरेको तरकारी ,फलफुल , पशुपन्छी आदिको बिक्रीवितरणको लागि बजार ब्यबस्थापन  सुररूवात गरेको  बजार ब्यबस्थापक संयोजक कर्णशेर राईले बताए । यस गाउँपालिकामा अध्यक्ष कृषि परियोजना अगाडि बढाएको  केहि समय भइसकेको  छ । यस योजना अन्तर्गत उत्पादक कर्ता कृषकहरूले  विभिन्न तरकारी र गोलभेडा उत्पादन गरिरहेका छन भने विभिन्न प्रजातिका एभोकाडो , ड्रागन फ्रुट ,सुन्तला , किवी कागती आदि फलफुलकाहरूको खेती सुरुवात  गरेका छन । यो गाउँपालिकामा ५ वटा वडाहरू रहेका छन ।  पहाडी क्षेत्र र भोैगोलीक समस्या कारण कृषकले उचित बजार नपाएर समस्या भएकाले पालिकाले नै अब हाटबजार लगाउने योजना अगाडि सारेको संयोजक राईले बताए ।

उक्त  हाटबजार संगै वडा स्तरीय फुटबल र अन्तर पालिका र नगरपालिका स्तरीय खुल्ला महिला तथा पुरूष भलिबल आयोजना गरेको युवा तथा खेलकुद  समितिका अध्यक्ष मनोज बुढाथोकीले  बताए । फुटबल उतिर्ण पहिलो पुरस्कार रासी ५० हजार , दाेस्रो ३० हजार , तेस्रो २० हजार । भलिबल तर्फ  महिला र पुरूषलाई बराबर पुरस्कार रासी पहिलो १ लाख , दोस्रो ६०हजार  , तेस्रो ४०  हजार रहेको अध्यक्ष बुढाथोकीले बताए ।

लिम्चुङबुङको जनताले फरक ढंगले समृध्दि हासिल गर्ने सोचमा आधारित गरिरहेका विभिन्न आर्थिक कृयाकलापहरु हेर्न र लिम्चुङबुङको हाटबजार भ्रमण गर्न सम्पूर्ण महानुभावहरु आउनको लागि गाउँपालिका अध्यक्ष राईले अनुरोध  गरेका छन् ।