अदालतमा तारेख बुझेपछि कारागार फर्काइयो सन्दीप लामिछानेलाई

मेगा खबर संवाददाता

२९, पौष २०७९

1.2K

अदालतमा तारेख बुझेपछि कारागार फर्काइयो सन्दीप लामिछानेलाई

काठमाडाैँ, पुस २९

क्रिकेटर सन्दीप लामिछानेले जिल्ला अदालत पुगेर तारेख बुझेका छन्।

केन्द्रीय कारागार सुन्धाराबाट तारेख बुझ्न उनलाई आज दिउँसो जिल्ला अदालत लगिएको थियो । लामिछाने थुनामुक्त हुने प्रक्रिया पूरा गर्न जिल्ला अदालतमा तारेख बुझेपछि कारागार नै फर्काइएको छ ।

सन्दीपका वकिल सरोजकृष्ण घिमिरेका अनुसार अब कारागारमा स्वास्थ्य परीक्षण प्रक्रिया पूरा गरिसकेपछि उनी रिहा हुनेछन् । उच्च अदालत पाटनको आदेश अनुसार उनले प्रहरी प्रशासनको अनुमतिबिना काठमाडौं छाड्न पाउने छैनन् ।

उनलाई रिहा गर्नका लागि जिल्ला अदालत काठमाडौंलेआजै केन्द्रीय कारागार सुन्धारामा पत्र पठाएको थियो । उच्च अदालत पाटनले मागे अनुसारको २० लाख धरौटी सन्दीपका दाजु मोहन लामिछाने आज जिल्ला अदालत काठमाडौंमा बुझाएका थिए ।

शुक्रवार, पौष २९ २०७९०३:४२:३९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।