मन्त्रिपरिषद बैठक

अर्थमन्त्रीले आज साँझसम्म राजीनामा दिने, वामदेवको प्रस्ताव गएन

मेगा खबर संवाददाता

१९, भाद्र २०७७

3.2K

अर्थमन्त्रीले आज साँझसम्म राजीनामा दिने, वामदेवको प्रस्ताव गएन

काठमाडौं । प्रधानमन्त्री निवास बालुवाटारमा बसेको मन्त्रिपरिषद बैठक सकिएको छ । शुक्रबार मध्यान्हदेखि बसेको मन्त्रिपरिषदको बैठकमा नेकपाका उपाध्यक्ष वामदेव गौतमलाई राष्ट्रियसभामा लैजाने सिफारिस भने आएन् । बिहीबारमात्र सत्तारुढ दल नेकपाको सचिवालय बैठकले उनलाई राष्ट्रियसभामा लैजाने निर्णय गरेको थियो ।

धेरैको चासो आजको मन्त्रिपरिषदले उनलाई सिफारिस गर्ने भन्नेतर्फ थियो । तर, मन्त्रिपरिषद बैठकमा त्यस प्रस्तावबारे कुनै सिफारिस नलगिएको बैठकमाा सहभागी एक मन्त्रीले समाचार दैनिकलाई बताए ।

ती मन्त्रीका अनुसार आजको बैठकमा अर्थ, संचार तथा सूचना प्रविधि मन्त्रीको राजीनामा बारे छलफल भएको थियो । उनले शुक्रबार साँझसम्म प्रधानमन्त्रीसमक्ष राजीनामा बुझाउने भएका छन् । भदौ २० बाट संविधानतः विदा हुन लागेका खतिवडाले आज राजीनामा दिन लागेका हुन् । उनले प्रधानमन्त्री ओलीसमक्ष अहिलेसम्मको सम्र्पूर्ण आर्थिक अवस्थाको बारेमा बैठकमा जानकारी गराएका थिए ।

साथै, अहिलेको अवस्थाको बारेमा पनि उनले बैठकलाई जानकारी गराएको सहभागी ती मन्त्रीले बताए ।

शुक्रवार, भाद्र १९ २०७७०२:३८:१३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।