बागमती प्रदेशले नवौं राष्ट्रिय खेलकुद प्रतियोगिता अन्तर्गतको महिला क्रिकेट प्रतियोगितामा कास्य

मेगा खबर संवाददाता

१, कार्तिक २०७९

1.5K

बागमती प्रदेशले नवौं राष्ट्रिय खेलकुद प्रतियोगिता अन्तर्गतको महिला क्रिकेट प्रतियोगितामा कास्य पदक जितेको छ ।

आज भएको खेलमा लुम्बिनी प्रदेशलाई ७ विकेटले पराजित गर्दै बागमतीले कास्य पदक जिते । पोखरा रंगशालामा लुम्बिनी प्रदेशले दिएको ८८ रनको लक्ष्य बागमती प्रदेशले १६ ओभर १ बलमा ३ विकेट गुमाएर पूरा गर्यो । बागमतीको जितमा सुमन खतिवडाले सर्वाधिक ४१ बनाइन । अस्मिता खरेलले २० रन जोडिन् ।

लुम्बिनीका लागि कृतिका मरासिनीले २ तथा सुस्मिता भुषालले १ विकेट लिइन् । यसअघि पहिले ब्याटिङ गरेको लुम्बिनीले निर्धारित २० ओभरमा ९ विकेट गुमाएर ८७ रन बनायो । लुम्बिनीका लागि कप्तान सरस्वती जीएमले ३० रन बनाउनु बाहेक कुनै ब्याटरले दोहोरो अंकमा रन बनाउन सकेनन् । बागमतीका लागि विपिशा शाहीले ४ तथा खुसी डंगोलले ३ विकेट लिएका थिए ।

आज नै स्वर्णका लागि दुई विभागीय टोली नेपाल पुलिस क्लब र नेपाल एपीएफ क्लब खेल्दै छन् ।

मंगलवार, कार्तिक १ २०७९०१:३२:३२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।