युभेन्टस च्याम्पियन्स लिगको नकआउट चरणमा प्रवेश गर्ने सम्भावना कठिन

मेगा खबर संवाददाता

२६, आश्विन २०७९

1.1K

माकाबी हाइफासँग स्तब्ध बनेपछि इटालियन महारथी युभेन्टस च्याम्पियन्स लिगको नकआउट चरणमा प्रवेश गर्ने सम्भावना कठिन बनेको छ ।

मंगलबार राति भएको खेलमा युभेन्टस ०–२ गोलले पराजित बनेको हो । ओमेर अटजिलीले पहिलो हाफमा गरेको दुई गोलको मद्दतले इजरायली टोलीले युभेन्टसलाई हराउन सफल बने । दुई खेल बाँकी छँदा युभेन्टस मात्र ३ अंक बटुल्दै समूहको तेस्रो स्थानमा सीमित बनेको छ ।

मासिमिलानो एलेग्रीको टोलीले अब अन्तिम १६ मा पुग्नका लागि बाँकी दुई खेलमा पीएसजी र बेनफिकालाई हराउनै पर्ने हुन्छ । दुई पटकको युरोपियन च्याम्पियन घरेलु लिगमा पनि सङ्घर्षरत रहेको छ । शनिबार एसी मिलानसँग पराजित हुँदै टोली सिरिए एमा आठौँ स्थानमा सीमित छ ।

समूहकै अन्य खेलमा पीएसजी र बेनफिकाले १–१ को बराबरी खेले । दुई टोलीको समान ८ अङ्क रहेको छ । एम्बाप्पेले खेलको ३९ औँ मिनेटमा पेनाल्टीमार्फत टोलीलाई अग्रता दिलाए पनि दोस्रो हाफमा जोआ मारियोले पेनाल्टीबाट गोल फर्काउँदै खेल बराबरी गरे ।

एम्बाप्पेले त्यसपछि गोल गरे पनि त्यसलाई अफसाइड करार गर्दै रद्द गरिएको थियो ।

बुधवार, आश्विन २६ २०७९०९:१०:३२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।