एजेन्सी। विश्व फुटबल जगतमा कसैले पनि पूर्वानुमान नगरेको विषय थियो लियोनल मेसीले बार्सिलोना छोड्ने कुरा । जसले बाल्यकालदेखि बार्सिलोनालाइ आफ्नो घर सरह ठाने, करिअरको २० वर्ष गुजारे र करिअरको अन्त्य पनि यही क्लबमा हुने बताईरहेका थिए ।

तर अवस्था यस्तो आयो, मेसी र बार्सिलोनाको व्यवस्थापबीचको सम्बन्ध जोडिनै नसक्नेगरि टुट्यो । केही सयम यता बोर्ड अध्यक्ष जोसेफ मारिया बार्टोमेउ लगायतसँग असन्तुष्ट रहेका मेसीले क्लबलाई अब्बल बनाउन विभिन्न प्रस्ताव राखेका थिए ।

 तर लगातार अस्वीकृत हुंदा क्लबको अवस्था बार्यनम्युनिखको हातबाट ८ गोल खाने अवस्थामा पुग्यो । त्यसपछि मेसीले अब बार्सिलोनामा बसिरहनुको औचित्य सकिएको ठाने र फ्याक्स मार्फत पत्र पठाए । उनले क्लब छोड्नुको कारण खोल्ने सार्वजनिक गरिरहदा स्पेनिस मिडिया मार्काले संभावित १० कारण उल्लेख गरेको छ ।

  यी हुन् मेसीले बार्सा छोड्नुुका ३ कानूनी र ७ खेल सम्बन्धि कारण तीन कानूनी कारण :

१– क्लबले आफुसँग गरेको सहमति अनुसार सिजनको अन्त्य १० जुन भित्र क्लब छोड्ने कुराको जानकारी गराउनु पर्नेमा कोरोना भाइरसका कारण सिजनको अन्त्य नै ढिलो हुन गयो र सोही अनुसार उनले पनि ढिलो जानकारी गराए ।

२–सम्झौताको अन्तिममा वर्ष रिलिज क्लज ७ सय मिलियन युरो तिर्नुपर्ने कुरा उल्लेख गरिएको छैन । 

३–बार्सिलोना बोर्डका अध्यक्ष जोसेफ मारिया बार्टोमेउले धेरै सार्वजनिक अन्तरबार्ताहरुमा भनेका थिए मेसीले चाहेका बेला क्लब छोड्न सक्छन् ।  

खेलकुद सम्बन्धि ७ कारण : 

१–बार्सिलोनाको भविष्यको योजना महत्वकाँक्षी थिएन । मेसी टिमको भविष्यलाई लिएर सहमत हुन सकेका थिएनन् । कतिपय बेला टिमले जित्नुपर्ने कुराको जिम्मा मेसीको मात्र काँधमा छोडिन्थ्यो । 

२–कोच अर्नेस्टो भालभार्डेलाई बर्खास्त गर्ने समय र तरिकाप्रति मेसीको सहमति थिएन । 

३– क्लबसँग मेसीका धेरै विषयमा असहमतिहरु थिए । क्लबले पछिल्लो महिनाहरुमा देखाएको व्यवहारबाट असन्तुष्ट उनि सामाजिक संजालमा भएको स्केन्डलबाट समेत असन्तुष्ट थिए ।

 ४– ईरिक अविडाल लगायत क्लबका अन्य अधिकारीहरुसँग मेसी असन्तुष्ट थिए, जसले भालभार्डेको बहिरगमनको आरोप घुमाउरो भाषामा मेसीलाई लगाएका थिए । जुन सत्य थिएन । 

५– एकेडेमिलाई सदुपयोग गर्ने लगायतका मेसीका धेरै सुझावहरु बार्सिलोना बोर्डले सुनिरहेको थिएन । 

६–मेसीले सोचे कि बार्सिलोनामा मेसीको युग सकियो । सहकर्मी जेरार्ड पिकेले भनेजस्तो अब नयाँ युवा खेलाडीहरुलाई सुम्पनु पर्दछ ।  

७– मेसी र उनको परिवार बार्सिलोनामा सामाजिक संजालमा स्केन्डलको निशाना बनाईएका थिए, र कतिपय बेला यस्तो कामको अगुवाई नै क्लबले गरेकोे थियो ।