एसिया कपको सुपर चारको पहिलो खेलमा श्रीलंकाले अफगानिस्तानलाई हरायो

मेगा खबर संवाददाता

१९, भाद्र २०७९

961

एसिया कपको सुपर चारको पहिलो खेलमा श्रीलंकाले अफगानिस्तानलाई हरायो

एसिया कपको सुपर चारको पहिलो खेलमा श्रीलंकाले अफगानिस्तानलाई हराएको छ । शनिबार राति भएको खेलमा श्रीलंकाले अफगानिस्तानलाई चार विकेटले हराएको हो ।

सारजाहमा अफगानिस्तानले दिएको १७६ रनको लक्ष्य श्रीलंकाले १९ ओभर १ बलमा ६ विकेट गुमाएर पूरा गर्यो । श्रीलंकाका लागि कुशल मेन्डिसले सर्वाधिक ३६ रनको योगदान गरे । पाथुम निशंकाले ३५ रन बनाए । श्रीलंकाका दनुश्का गुनाथिलाकाले ३३ रन जोडे । अफगानिस्तानका मुजिब उर रहमान र नभिन उल हकले समान दुईरदुई विकेट लिए । मोहम्मद नाबी र रशिद खानले समान एकरएक विकेट लिए ।

पहिले ब्याटिङ गरेको अफगानिस्तानले २० ओभरमा ६ विकेट गुमाएर १७५ रन बनायो । अफगानिस्तानका लागि रमिउल्लाह गुर्बाजले ८४ रनको अर्धशतकीय इनिङ खेले । उनले ४५ बलमा ६ छक्का र ४ चौका प्रहार गरे ।
त्यस्तै इब्राहिम जाड्रानले ४० तथा नजिबुल्लाह जाड्रानले १७ रन बनाए ।

श्रीलंकाका लागि दिल्शन मधुशनकाले दुई विकेट लिए । असिथा फर्नान्डो,महेश थिक्सनाले समान एकरएक विकेट लिए । जितसॅंगै श्रीलंका शीर्ष स्थानमा छ ।

आइतवार, भाद्र १९ २०७९०६:५४:४८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।