राजस्थान रोयल्स इन्डियन प्रिमियर लिग (आईपीएल) टी–ट्वान्टी क्रिकेटको शीर्ष स्थानमा उक्लियो

मेगा खबर संवाददाता

२८, चैत्र २०७८

2.0K

राजस्थान रोयल्स इन्डियन प्रिमियर लिग (आईपीएल) टी–ट्वान्टी क्रिकेटको शीर्ष स्थानमा उक्लियो

राजस्थान रोयल्स इन्डियन प्रिमियर लिग (आईपीएल) टी–ट्वान्टी क्रिकेटको शीर्ष स्थानमा उक्लिए ।

आइतबार राति भएको खेलमा लखनउलाई ३ रनले हराउँदै शीर्ष स्थानमा उक्लिएको हो । मुम्बईमा राजस्थानले दिएको १६६ रनको लक्ष्य पछ्याएको लखनउले निर्धारित २० ओभर ८ विकेट गुमाउँदै मात्र १६२ रन बनायो ।

लखनउका लागि क्विन्टन डी कोकले सर्वाधिक ३९ रनको योगदान गरे । त्यस्तै मार्कुस स्टोइनिसले ३८ रन बनाउँदा दीपक हुड्डाले २५ रन तथा कुर्नाल पाड्याले २२ रन बनाए । बलिङतर्फ राजस्थानका लागि युजभेन्द्र चहालले सर्वाधिक चार विकेट लिए । त्यस्तै ट्रेन्ट बोल्टले दुई विकेट लिँदा प्रशिद्ध कृष्ण र कुलदीप शेनले एक–एक विकेट लिए ।

पहिले ब्याटिङ गरकोे राजस्थानले निर्धारित २० ओभरमा ६ विकेट गुमाएर १६५ रन बनाएको थियो । राजस्थानका लागि सिमरोन हेटमायरले ५९ रनको अर्धशतकीय पारी खेले । ३६ बल खेलेका उनले १ चौका र ६ छक्का प्रहार गरे । देवदत्त पाडिकलले २९ रन बनाउँदा रवीचन्द्र आश्विनले २८ रनको योगदान गरे ।बलितर्फ लखनउका लागि जसन होल्डर र कृष्णप्पा गोथामले दुई–दुई विकेट लिए । त्यस्तै आवेश खानले एक विकेट लिए ।

जितसँगै राजस्थानले ४ खेलमा ६ अंक जोडेको छ । राजस्थान तालिकाको शीर्ष स्थानमा उक्लेको छ । पराजित लखनउ तालिकाको पाँचौ स्थानमा छ । लखनउले ५ खेलबाट ६ अंक जोडेको छ ।

सोमवार, चैत्र २८ २०७८०५:५५:२७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।